22 Sa katapos-tapusi, ginirumdom nin Diyos si Raquel, asin dinangog saka sinimbag siya nin Diyos paagi sa pagpangyari sa saiya na magbados.*+ 23 Nagbados siya asin nangaki nin lalaki. Tapos nagsabi siya: “Hinali nin Diyos an sakong katuyawan!”+

10 Grabe an pagmundo* ni Hana, asin namibi siya ki Jehova+ saka nagparahibi. 11 Dangan nagpromesa siya: “O Jehova na pamayo nin mga hukbo, kun tatawan mo nin atensiyon an grabeng pagsakit kan saimong lingkod saka kun gigirumdumon mo ako asin dai mo lilingawan an saimong lingkod saka kun tatawan mo an saimong lingkod nin sarong aking lalaki,+ itatao ko siya ki Jehova sa gabos na aldaw kan saiyang buhay, asin dai puputulan an saiyang buhok.”*+