8 An mabangis na hayop na nahiling mo dating yaon, alagad nawara, pero madali na iyan maghawas hali sa kairaruman,*+ asin pasiring iyan sa kalaglagan. Asin an mga nakaistar sa daga—idtong an mga pangaran dai nakasurat sa rolyo nin buhay+ puon pa sa pagkaestablisar kan kinaban—magngangaralas pag nahiling ninda na an mabangis na hayop dating yaon, alagad nawara, pero matunga giraray.