Ikaduwang Cronica

7 Kan matapos mamibi ni Solomon,+ may buminagsak na kalayo hali sa kalangitan+ asin tinumtom an dulot na pigtututong saka an mga atang, asin napano kan kamurawayan ni Jehova an harong.+ 2 Dai makalaog sa harong ni Jehova an mga saserdote huling napano kan kamurawayan ni Jehova an harong ni Jehova.+ 3 Naghihiling an bilog na banwaan nin Israel kan buminagsak an kalayo asin kan an kamurawayan ni Jehova nasa ibabaw kan harong; nagduruko sinda saka nagralaob sa salog asin nagpasalamat ki Jehova, “huling marahay siya; nagdadanay sagkod lamang an maimbod na pagkamuot niya.”

4 Dangan an hadi asin an bilog na banwaan nagdulot nin mga atang sa atubangan ni Jehova.+ 5 Nagdulot si Hading Solomon nin 22,000 na baka asin 120,000 na karnero bilang atang. Kaya ginibo kan hadi asin kan bilog na banwaan an inagurasyon kan harong kan tunay na Diyos.+ 6 Nakatindog an mga saserdote sa mga puwesto ninda, siring man an mga Levitang may mga instrumentong ginagamit sa pagtugtog kasabay kan kanta para ki Jehova.+ (Ginibo ni Hading David an mga instrumentong ini para sa pagpasalamat ki Jehova—“huling nagdadanay sagkod lamang an maimbod na pagkamuot niya”—pag matao si David nin pag-umaw kaiba ninda.*) Asin an mga trumpeta makusog na pinapatanog kan mga saserdote+ sa atubangan ninda, mantang nakatindog an gabos na Israelita.

7 Dangan pinabanal ni Solomon an tahaw kan patyo na nasa atubangan kan harong ni Jehova huling diyan siya maatang kan mga dulot na pigtututong+ asin kan mga taba kan mga atang sa pakikikabtang; dai kaya magkaigo sa altar na tanso+ na ginibo ni Solomon an mga atang na pigtututong, an mga dulot na tipasi,+ asin an mga taba.+ 8 Kan panahon na iyan, an kapiyestahan* isinelebrar ni Solomon sa laog nin pitong aldaw+ kaiba an bilog na Israel, sarong dakulaon na katiripunan* nin mga tawo hali sa Lebo-hamat* sagkod sa Sulugan na Kababan* nin Ehipto.+ 9 Isinelebrar ninda an inagurasyon kan altar sa laog nin pitong aldaw asin an kapiyestahan sa laog nin pitong aldaw. Alagad kan ikawalong aldaw,* nagkaigwa sinda nin sagradong pagtiripon.+ 10 Dangan kan ika-23 na aldaw kan ikapitong bulan, pinapuli na niya an mga tawo. Nagpuruli sinda na magaya-gaya+ saka maugma an puso huli sa karahayan na ipinahiling ni Jehova ki David saka ki Solomon asin sa saiyang banwaan na Israel.+

11 Kaya natapos ni Solomon an harong ni Jehova saka an harong* kan hadi;+ asin mapangganang naisagibo ni Solomon an gabos na minawot kan saiyang puso may koneksiyon sa harong ni Jehova asin sa sadiri niyang harong.+ 12 Dangan kan banggi, nagpahiling si Jehova ki Solomon+ asin sinabi sa saiya: “Nadangog ko an saimong pamibi, asin pinili ko an harong na ini para sa sako bilang lugar kun sain magdudulot nin mga atang.+ 13 Pag sinarahan ko an kalangitan tapos dai mag-uran asin pag ipinagbuot ko sa mga lukton na ubuson an mga pananom sa daga asin kun magpaabot ako nin epidemya sa sakong banwaan, 14 dangan kun an sakong banwaan na inaapod sa sakong pangaran+ magpakumbaba+ asin mamibi saka maghanap sa sako* tapos tumalikod sinda sa maraot nindang mga gibo,*+ magdadangog ako hali sa kalangitan asin papatawadon ko an saindang kasalan asin papaumayan ko an saindang daga.+ 15 Tatawan ko ngunyan nin atensiyon* asin dadangugon an* mga pamibi sa lugar na ini.+ 16 Asin ngunyan, pinili ko asin pinabanal an harong na ini tanganing permanenteng mamugtak diyan an sakong pangaran,+ asin magdadanay na yaon diyan an sakong mga mata asin puso.+

17 Ika man, kun malakaw ka sa sakuyang atubangan arog kan paglakaw kan saimong ama na si David paagi sa paggibo sa gabos na ipinagbuot ko sa saimo, asin pagsunod sa sakong mga regulasyon saka mga ipinapautob na desisyon,+ 18 ieestablisar ko an trono kan saimong pagkahadi,+ arog kan ipinakipagtipan ko ki David na saimong ama+ kan sabihon ko, ‘Pirming igwa nin saro sa saimong mga gikan na mamamahala sa Israel.’+ 19 Pero kun magpundo kamo sa pagsunod asin bayaan nindo an sakong mga reglamento saka mga tugon na itinao ko sa saindo, asin maglingkod kamo sa ibang mga diyos asin magduko sa sainda,+ 20 gagabuton ko an Israel sa sakong daga na itinao ko sa sainda,+ asin an harong na ini na pinabanal ko para sa sakong pangaran isisikwal ko sa sakong atubangan, asin papangyarihon kong ulog-ulugon* ini saka tuya-tuyaon kan gabos na banwaan.+ 21 Asin an harong na ini magigin tambak na kagabaan. An gabos na maaragi digdi mapapaburarat+ asin masarabi, ‘Taano ta ginibo ini ni Jehova sa nasyon na ini asin sa harong na ini?’+ 22 Dangan sasabihon ninda, ‘Binayaan kaya ninda si Jehova+ na Diyos kan saindang mga apuon, na nagluwas sa sainda sa daga nin Ehipto,+ asin inako ninda an* ibang mga diyos asin nagluhod saka naglingkod sinda sa mga ini.+ Kaya ipinaabot niya sa sainda an gabos na kapahamakan na ini.’”+