Esdras

10 Miyentras na namimibi si Esdras+ asin nagbubuyboy* kan mga kasalan kan saiyang banwaan asin nagtatangis mantang nakalaob sa atubangan kan harong kan tunay na Diyos, dakul na mga lalaki, mga babayi, asin mga aki kan Israel an nagtiripon sa palibot niya, asin grabe an pagtangis kan banwaan. 2 Dangan si Secanias na aki ni Jehiel+ na saro sa mga aki ni Elam+ nagsabi ki Esdras: “Dai kami nagin maimbod sa satuyang Diyos dahil nag-agom kami* nin mga babaying dayuhan hali sa mga tawo sa nakapalibot na kadagaan.*+ Sa ibong kaini, igwa pang paglaom para sa Israel. 3 Makipagtipan kita ngunyan sa satuyang Diyos+ na papahalion ta an gabos na mga agom na babaying ini pati an saindang mga aki, kauyon kan pagbuot ni Jehova asin kaidtong mga may hararom na paggalang* sa tugon kan satuyang Diyos.+ Sunudon ta an sinasabi kan Katugunan. 4 Tumindog ka, huling responsabilidad mo an bagay na ini, asin susuportaran mi ika. Magpakakusog ka asin humiro.”

5 Huli kaiyan, tuminindog si Esdras asin pinasumpa niya an mga nanginginot sa mga saserdote, sa mga Levita, asin sa bilog na Israel na gibuhon an bagay na iyan.+ Kaya nagsumpa sinda. 6 Dangan naghali si Esdras sa atubangan kan harong kan tunay na Diyos asin nagduman sa kuwarto* ni Jehohanan na aki ni Eliasib. Pero dawa ngani nagduman siya, dai siya nagkakan o nag-inom nin tubig, huli ta nagmumundo siya dahil sa pagigin bakong maimbod kan mga dating bihag sa ibang nasyon.+

7 Dangan ipinaisi ninda sa bilog na Juda asin Jerusalem na an gabos na dating bihag sa ibang nasyon dapat na magtiripon sa Jerusalem; 8 asin uyon sa napagdesisyunan kan mga pamayo* asin kan kamagurangan, kukumpiskaron* an gabos na pagsadiri kan siisay man na dai magduman sa laog nin tulong aldaw, asin papalayason siya sa katiripunan* kan mga dating bihag sa ibang nasyon.+ 9 Kaya sa laog nin tulong aldaw, an gabos na lalaki kan Juda asin kan Benjamin nagtiripon sa Jerusalem kan ika-20 aldaw kan ikasiyam na bulan. Gabos sinda nagtukaw sa sarong patyo kan harong kan tunay na Diyos, asin sinda nagtatakig huli sa seryosong bagay na inaatubang ninda asin huli sa makusog na uran.

10 Dangan nagtindog si Esdras na saserdote asin nagsabi sa sainda: “Dai kamo nagin maimbod huli ta nag-aragom kamo nin mga babaying dayuhan,+ asin dahil diyan dinagdagan nindo an kasalan kan Israel. 11 Ngunyan magbuyboy kamo kan saindong mga kasalan ki Jehova na Diyos kan saindong mga apuon asin gibuhon nindo an kabutan niya. Sumuway kamo sa mga tawo kan kadagaan* asin sa dayuhan na mga agom na babaying ini.”+ 12 Huli kaini, an bilog na katiripunan nagsimbag sa makusog na boses: “Obligasyon ming gibuhon an gabos na sinabi mo. 13 Pero dakulon an mga tawo saka tig-uran ngunyan. Dai kami makakatagal sa luwas, saka kulang an saro o duwang aldaw para husayon ini, huling grabe an nagin pagsuway mi sa bagay na ini. 14 Kaya tuguti tabi na irepresentar kan satong mga pamayo* an bilog na katiripunan.+ Dangan padigdihon sa itinalaan na panahon an gabos na yaon sa satong mga siyudad na nag-aragom nin mga babaying dayuhan, kaiba an kamagurangan saka mga hukom kan kada siyudad, tanganing mahali an grabeng kaanggutan sa sato kan satuyang Diyos huli sa bagay na ini.”

15 Minsan siring, kinontra ini ni Jonathan na aki ni Asahel saka ni Jahzeias na aki ni Tikva, asin sinuportaran sinda kan mga Levitang si Mesulam asin Sabetai.+ 16 Pero ginibo kan mga dating bihag sa ibang nasyon an mga napagkauruyunan; asin si Esdras na saserdote asin an mga pamayo kan mga angkan, na an mga pangaran nakalista gabos, nagtiripon na sinda-sinda sana kan inot na aldaw kan ikasampulong bulan tanganing siyasaton an bagay na ini; 17 asin kan inot na aldaw kan inot na bulan, natapos nindang asikasuhon an mga bagay-bagay may koneksiyon sa gabos na lalaki na nag-aragom nin mga babaying dayuhan. 18 Napag-araman na an ibang mga aki kan mga saserdote nag-aragom man nin mga babaying dayuhan:+ sa mga aki asin mga tugang ni Jesua+ na aki ni Jehozadak, si Maaseias, Eliezer, Jarib, asin Gedalias. 19 Pero nangako sinda* na papahalion ninda an saindang mga agom, asin huling nagkasala sinda, madulot sinda nin lalaking karnero para sa saindang kasalan.+

20 Sa mga aki ni Imer,+ si Hanani saka si Zebadias; 21 asin sa mga aki ni Harim,+ si Maaseias, Elias, Semaias, Jehiel, saka Uzias; 22 asin sa mga aki ni Pasur,+ si Elioenai, Maaseias, Ismael, Netanel, Jozabad, saka Eleasa. 23 Asin sa mga Levita, si Jozabad, Simei, Kelaias (na iyo si Kelita), Petahias, Juda, asin Eliezer; 24 asin sa mga parakanta, si Eliasib; asin sa mga bantay sa trangkahan, si Salum, Telem, asin Uri.

25 Asin sa mga Israelita, sa mga aki ni Paros,+ si Ramias, Izzias, Malkias, Mijamin, Eleazar, Malkias, saka Benaias; 26 asin sa mga aki ni Elam,+ si Matanias, Zacarias, Jehiel,+ Abdi, Jeremot, saka Elias; 27 asin sa mga aki ni Zatu,+ si Elioenai, Eliasib, Matanias, Jeremot, Zabad, saka Aziza; 28 asin sa mga aki ni Bebai,+ si Jehohanan, Hananias, Zabai, saka Atlai; 29 asin sa mga aki ni Bani, si Mesulam, Maluc, Adaias, Jasub, Seal, saka Jeremot; 30 asin sa mga aki ni Pahat-moab,+ si Adna, Kelal, Benaias, Maaseias, Matanias, Bezalel, Binui, saka Manases; 31 asin sa mga aki ni Harim,+ si Eliezer, Issia, Malkias,+ Semaias, Shimeon, 32 Benjamin, Maluc, saka Semarias; 33 sa mga aki ni Hasum,+ si Matenai, Matatah, Zabad, Elifelet, Jeremai, Manases, saka Simei; 34 sa mga aki ni Bani, si Maadai, Amram, Uel, 35 Benaias, Bedeias, Keluhi, 36 Vanias, Meremot, Eliasib, 37 Matanias, Matenai, saka Jaasu; 38 asin sa mga aki ni Binui, si Simei, 39 Selemias, Natan, Adaias, 40 Macnadebai, Sasai, Sharai, 41 Azarel, Selemias, Semarias, 42 Salum, Amarias, saka Jose; 43 asin sa mga aki ni Nebo, si Jeiel, Matitias, Zabad, Zebina, Jaddai, Joel, saka Benaias. 44 Gabos sinda nag-agom nin mga babaying dayuhan,+ asin pinahali ninda an saindang mga agom, kaiba an saindang mga aki.+