Ikaduwang Cronica

2 Ipinagbuot ngunyan ni Solomon na itugdok an harong para sa pangaran ni Jehova+ asin an harong* para sa kahadian niya.+ 2 Nagpili si Solomon nin 70,000 na peyon,* 80,000 na paratabas nin gapo sa mga bukid,+ asin 3,600 na superbisor na mamamahala sa sainda.+ 3 Nagpadara man nin mensahe si Solomon ki Hiram+ na hadi kan Tiro: “Gibuha man sako an arog kan ginibo mo sa sakong amang si David kan magpadara ka sa saiya nin mga kahoy na sedro tanganing magtugdok nin harong* na maiistaran niya.+ 4 Matugdok ako ngunyan nin harong para sa pangaran ni Jehova na sakuyang Diyos, tanganing pabanalon ini para sa saiya, tanganing magtutong nin mahamot na insenso+ sa atubangan niya, tanganing danay na magbugtak nin patong-patong na tinapay,*+ asin tanganing mag-atang nin dulot na pigtututong, sa aga asin sa banggi,+ sa mga Sabbath,+ sa mga bagong bulan,+ asin sa mga panahon nin kapiyestahan+ ni Jehova na samuyang Diyos. Obligasyon ini kan Israel sagkod lamang. 5 Magigin kahanga-hanga an harong na itutugdok ko, huling mas urog an samong Diyos kisa sa gabos na iba pang diyos. 6 Asin siisay an may kakayahan na magtugdok nin harong para sa saiya? Kun sa langit ngani saka sa langit kan mga langit dai siya magkaigo,+ siisay man ako tanganing magtugdok nin harong para sa saiya? An maitutugdok ko lang, sarong harong na diyan makakapagpaaso nin mga atang sa atubangan niya. 7 Kaya padarahan mo ako nin sarong ekspertong trabahador na matibay sa mga gibong bulawan, plata,* tanso,+ lansang,* torsidong lana* na kulor purpura,* torsidong kulor pula* saka kulor asul, asin tataong mag-ukit nin mga dekorasyon. Matrabaho siya sa Juda asin sa Jerusalem kaiba kan sakong mga ekspertong trabahador na itinao ni David na sakong ama.+ 8 Asin padarahan mo ako nin mga tablon na sedro, enebro,+ saka algum+ hali sa Lebanon, ta aram kong marhay na mga eksperyensiyado sa pagpalod nin mga kahoy sa Lebanon an mga lingkod mo.+ Matrabaho an mga lingkod ko kaiba kan mga lingkod mo+ 9 tanganing ipaghanda ako nin dakulon na tablon, huling magigin kahanga-hangang marhay an harong na itutugdok ko. 10 An mga lingkod mong mga parapalod nin kahoy susuplayan ko nin 20,000 na cor* nin trigo asin 20,000 na cor nin sebada bilang saindang kakanon,+ asin nin 20,000 na bath* nin arak, saka 20,000 na bath nin lana.”

11 Kaya nagpadara nin nakasurat na mensahe ki Solomon si Hiram na hadi kan Tiro, na nagsasabi: “Huling namumutan ni Jehova an saiyang banwaan, ginibo ka niyang magin hadi ninda.” 12 Dangan sinabi ni Hiram: “Pag-umawon lugod si Jehova na Diyos kan Israel, an naggibo kan kalangitan asin kan daga, huling tinawan niya si Hading David nin aking madunong,+ na biniyayaan nin pakamansay saka pakasabot,+ asin iyo an matugdok nin harong para ki Jehova asin nin harong para sa kahadian niya. 13 Isinugo kong magdiyan sa saimo si Hiram-abi, sarong matibay asin ekspertong trabahador na may pakasabot.+ 14 Aki siya nin sarong babaying gikan ni Dan pero taga Tiro an ama niya; eksperyensiyado siya sa mga gibong bulawan, plata, tanso, lansang, gapo, kahoy, torsidong lana na kulor purpura, torsidong kulor asul, de-kalidad na tela, saka torsidong kulor pula.*+ Kaya niyang iukit an gabos na klase nin dekorasyon asin gibuhon an ano man na disenyong itao sa saiya.+ Matrabaho siya kaiba kan saimong mga ekspertong trabahador asin kaiba kan mga ekspertong trabahador kan kagurangnan kong si David na saimong ama. 15 Kaya ipadara na tabi kan kagurangnan ko an trigo, sebada, lana, asin arak na ipinanuga niya sa saiyang mga lingkod.+ 16 Asin mapalod kami nin mga kahoy sa Lebanon,+ gurano man kadakul an kaipuhan mo, asin gigibuhon mi iyan na mga balsa dangan papaanudon sa dagat tanganing madara saimo sagkod sa Jope;+ tapos kamo na an mahakot kaiyan pasiring sa Jerusalem.”+

17 Dangan binilang ni Solomon an gabos na lalaking dayuhan na residente sa nasyon nin Israel,+ arog kan ginibong pagpasensus kan saiyang amang si David,+ asin 153,600 sinda gabos. 18 Kaya inasignaran niya an 70,000 sa sainda na magin mga peyon,* an 80,000 na magin mga paratabas nin gapo+ sa mga bukid, asin an 3,600 na magin mga superbisor na magpapatrabaho sa mga tawo.+