Talinhaga

13 An aking madunong inaako an disiplina kan saiyang ama,+

Pero an paraulog-ulog dai nagdadangog sa saway.*+

 2 An sarong tawo makakan nin karahayan hali sa bunga kan saiyang mga itinataram,*+

Pero para sa kadahasan an mismong kamawutan* kan mga madaya.

 3 An saro na binabantayan an saiyang nguso* pinoprotektaran an saiyang buhay,*+

Pero an saro na ibinubukang marhay an saiyang mga ngabil mapapahamak.+

 4 An tawong hugakon may mga minamawot, pero mayo siya* nin ano man,+

Pero an saro* na mahigos mababasog nin biyo.*+

 5 Ikinakaungis kan matanos an mga kaputikan,+

Pero an mga ginigibo kan mga maraot nagdadara nin kasusupgan asin kawaran nin onra.

 6 An katanusan pinoprotektaran an saro na an dalan daing sála,+

Pero an karatan pinapabagsak an parakasala.

 7 Igwang nagsasagin-sagin na mayaman, pero mayo siya nin ano man;+

Igwa man nin nagsasagin-sagin na pobre, pero dakul siyang kayamanan.

 8 Kayamanan an pantubos nin sarong tawo sa buhay* niya,+

Pero an pobre mayo lamang nin huma sa saiya.*+

 9 An liwanag kan mga matanos nagliliwanag na marhay,*+

Pero an lampara kan mga maraot mapapalsok.+

10 An kapangahasan nagbubunga sana nin iriwal,+

Pero may kadunungan sa mga naghahagad nin sadol.*+

11 An kayamanan na madaling nakua* madiit,+

Pero an kayamanan kan saro na nagtitipon kaiyan nin padiit-diit* madakul.

12 An inaantisipar* na naaatraso nagpapasakit sa puso,+

Pero an minamawot na nautob sarong kahoy nin buhay.+

13 Papatawan nin penalidad an siisay man na hinahamak an instruksiyon,*+

Pero tatawan nin balos an saro na irinerespeto an tugon.+

14 An itinutukdo* kan saro na madunong burabod nin buhay+

Tanganing mairayo an saro sa mga siod nin kagadanan.

15 An hararom na pakasabot nagkakamit nin pag-uyon;

Pero an dalan kan mga madaya masakiton.

16 An tawong alisto an isip minahirong may kaaraman,+

Pero an mangmang ilinalantad an saiyang kamangmangan.+

17 An maraot na mensahero nagkakawsa nin problema,+

Pero an mapagtitiwalaan na sugo nagdadara nin kaumayan.+

18 An siisay man na binabaliwala an disiplina masagkod sa kadukhaan asin kasusupgan,

Pero an saro na inaako an pagtatanos* papamurawayon.+

19 Mahamis sa sarong tawo* pag nauutob an minamawot,+

Pero magabaton sa buot kan mga mangmang an pagrayo sa maraot.+

20 An saro na naglalakaw kaiba kan mga madunong magigin madunong,+

Pero an saro na nakikiiba-iba sa mga mangmang mapapahamak.+

21 An mga parakasala linalapag kan kapahamakan,+

Pero an mga matanos tinatawan nin balos kan abundansiya.+

22 An marahay na tawo nagwawalat nin mana sa saiyang mga makuapo;

Pero an kayamanan kan parakasala isasaray para sa matanos.+

23 An inaradong uma kan mga tawong pobre namumunga nin kadakul na kakanon,

Pero puwede iyan* mapara huli sa inhustisya.

24 An siisay man na nagpupugol sa paggamit kan saiyang pamakol* nauungis sa aki niya,+

Pero an saro na namumuot sa saiya matiyaga* siyang dinidisiplina.+

25 An matanos nagkakakan asin nababasog,*+

Pero an tulak kan mga maraot daing laog.+