Inot na Samuel

21 Dangan dinumanan ni David sa Nob+ an saserdoteng si Ahimelec. Tinakigan sa takot si Ahimelec kan mahiling niya si David, asin sinabi niya: “Taano ta solo ka sana? Taano ta mayo kang kaiba?”+ 2 Nagsimbag si David sa saserdoteng si Ahimelec: “May ipinapagibo sako an hadi, pero sabi niya, ‘Dai mo pagsabihon sa kiisay man an manungod sa misyon mo saka sa mga ipinapagibo ko saimo.’ May napagkasunduan kaming lugar kan mga tawuhan ko kun sain kami mataragbuan. 3 Kun igwa ka diyan nin limang tinapay o ano man na makakakan, itao mo na lang sako.” 4 Alagad nagsimbag ki David an saserdote: “Mayo ako nin ordinaryong tinapay, pero igwa digding banal na tinapay+—puwedeng magkakan kaini an mga tawuhan mo basta dai sinda nakidurog* sa mga babayi.”+ 5 Nagsimbag si David sa saserdote: “Talagang dai kami nakikidurog sa mga babayi* pag mahali kami para makipaglaban, arog kan mga nainot ming pakikipaglaban.+ Kun an mga tawuhan ko pinagdadanay na banal an hawak ninda dawa ngani ordinaryo sana an samong misyon, di lalo na ngunyan na mas importante an misyon mi!” 6 Kaya itinao sa saiya kan saserdote an banal na tinapay,+ huling mayo nin ibang tinapay duman kundi idto sanang tinapay na pandulot, na hinali sa atubangan ni Jehova kan aldaw na sinalidahan iyan nin bagong tinapay.

7 Yaon duman kan aldaw na idto an saro sa mga lingkod ni Saul, huling kaipuhan niyang magtenir sa atubangan ni Jehova. Siya si Doeg+ na Edomita,+ an pamayo kan mga pastor ni Saul.

8 Dangan sinabi ni David ki Ahimelec: “Igwa ka digding garod o espada? Dai ko kaya nadara su espada ko o ibang armas, ta biglaan kaya ining misyon na ipinapagibo kan hadi.” 9 Kaya sinabi kan saserdote: “Yaon digdi su espada ni Goliat+ na Filisteo, na ginadan mo sa Kababan* nin Elah.+ Nasa likod idto kan efod,+ napapatos nin tela. Kun gusto mo idto, kuanon mo na, ta idto sana an yaon digdi.” Sinabi ni David: “Mayo nang ibang arog kaidto. Sige, itao mo sako.”

12 Inisip-isip ni David an mga sinabi ninda, asin natakot siyang marhay+ ki Hading Akis kan Gat. 13 Kaya nagsagin siyang mayo sa tultol na isip+ sa atubangan ninda asin nagbua-buahan mantang kaibanan siya ninda.* Kinurit-kuritan niya an mga trangkahan asin pinapaturo sa saiyang barabas an liwoy niya. 14 Sa kahuri-hurihi, sinabi ni Akis sa saiyang mga lingkod: “Ano ta dinara pa nindo sako an tawong ini? Nahiling na nindong bua! 15 Ano, kulang ako nin mga bua kaya nagdara kamo sako nin saro pa? Taano ta papalaugon sa harong ko an tawong ini?”