Salmo

144 Pag-umawon lugod si Jehova, an sakuyang Gapo;+

Na nagsasanay sa mga kamot ko para sa pakikilaban,

Sa mga muro ko para sa pakikigiyera.+

 2 Siya an sakong maimbod na pagkamuot asin an sakong masarig na depensa,*

An sakong ligtas na pailihan* asin an sakong parasalbar,

An sakong kalasag asin an Saro na sakong sinisirungan,+

An Saro na ipinapasakop sa sako an mga banwaan.+

 3 O Jehova, siisay man an tawo ta dapat mo pa siyang riparuhon,

An aki nin tawong mortal ta dapat mo pa siyang tawan nin atensiyon?+

 4 An tawo nakakaagid sa sarong hinangos sana;+

An saiyang mga aldaw siring sa anino na minaagi sana.+

 5 O Jehova, ibaba* mo an saimong kalangitan asin bumaba ka;+

Dutan mo an kabukidan asin paasuha an mga iyan.+

 6 Magpasilyab ka nin kikilat asin pagwararakon mo an mga kalaban;+

Magpalayog ka nin mga pana asin ribarawon mo sinda.+

 7 Iunat mo an saimong kamot hali sa kaitaasan;

Isalbar mo ako asin iligtas laban sa nagraragasang katubigan,

Laban sa kamot* kan mga dayuhan,+

 8 Na an mga nguso nagtataram nin mga kaputikan

Asin nagtataas kan saindang tuong kamot tanganing sumumpa sa bakong totoo.*

Makanta ako nin mga pag-umaw* para sa saimo, na sinasabayan nin instrumentong may sampulong kuwerdas,

10 Para sa Saro na nagtatao nin kapangganahan* sa mga hadi,+

Sa Saro na nagliligtas sa lingkod niyang si David laban sa nakakagadan na espada.+

11 Isalbar mo ako asin iligtas laban sa kamot kan mga dayuhan,

Na an mga nguso nagtataram nin mga kaputikan

Asin nagtataas kan saindang tuong kamot tanganing sumumpa sa bakong totoo.

12 Dangan an mga aki ming lalaki magigin siring sa saradit na tinanom na marikas magtubo,

An mga aki ming babayi magigin siring sa mga hariging panganto na inukit para sa sarong palasyo.

13 An samong mga bodega magsusupay sa gabos na klase nin ani;

An samong mga aripumpon sa kalangtadan madakul nin rinibo, nin manampulong ribo.

14 An samong mga bados na baka dai madidiskuwido* o mahuhûlusan;

Mayo nin pag-agrangay sa samong mga plasa nin huli sa kasakitan.