LEKSIYON 7

Tama Asin Nakakakumbinsir

Lucas 1:3

SUMARYO: Gumamit nin mapagtitiwalaan na impormasyon tanganing matabangan an mga nagdadangog na magkaigwa nin tamang kongklusyon.

Gumamit nin impormasyon hali sa mapagtitiwalaan na mapagkukuanan. Ibasar sa Tataramon nin Diyos an mga komento mo, na binabasa iyan nin direkta kun posible. Kun may babanggiton kang impormasyon sa siyensiya, bareta, eksperyensiya, o iba pang nagpapatunay na ebidensiya, siguraduhon na mapagtitiwalaan an pigkuanan mo asin iyo iyan an pinakabago.
Kotaron nin tama an impormasyon. Ipaliwanag an teksto kauyon kan konteksto, kan kabilugan na mensahe kan Bibliya, asin kan mga publikasyon kan “maimbod asin mapagmansay na uripon.” (Mat. 24:45) Kotaron an sekular na reperensiya kauyon kan orihinal na konteksto asin katuyuhan kan kagsurat kaiyan.

Dai pagpasobrahan an mga detalye asin numero. Mag-ingat na an “nagkapirang tawo” magin “kadaklan na tawo,” na an “kun minsan” magin “pirmi,” asin na an “tibaad nangyari” magin “posibleng nangyari.”
Magrason base sa nakuang impormasyon. Pagkatapos basahon an teksto o banggiton an sarong reperensiya, magbangon nin mataktikang mga hapot o linawon an punto tanganing matabangan an mga nagdadangog na sinda mismo an makapagkongklusyon.