“Dai Ako Pinatotoninong ni Sarong Minuto kan Aki Ko”

IYAN an ibinareta nin sarong ama kan sia magduman sa sangang opisina kan Watch Tower Society sa Peru kasuarin pa sana. Sia nagpaliwanag:

“Pirang semana na akong kinukunsumir kan aki kong lalaki, na gusto na ikua ko sia kan librong My Book of Bible Stories. Poon kan an saro sa mga kaklase nia magkaigwa kaiyan, dai ako pinatotoninong ni sarong minuto kan aki ko. Kun saen-saen na ako naghanap tanganing makakua nin kopya. Mayo man lamang ako ni kadikit na ideya kun saen mapoon. An mga paghapot sa mga tindahan nin libro mayong resulta.

“Nasambitan ko iyan sa saro sa mga empleyado ko sa opisina, asin sinabi nia na dapat akong dumolok sa mga Saksi ni Jehova tanganing makakua kaiyan. ‘Ay, dai! Bakong sa mga tawong iyan. Permi sindang nagduduman sa harong, asin permi ko sindang pinapahale.’ Pero kinombensir nia ako na bako man kamong maraot—an totoo, kamo inomaw niang gayo asin sinabi na an librong hinahanap ko talagang marahay. Kaya uya ako. Gusto ko an librong iyan.”

Sa paghona mi kamo man magugusto sa may magagayon na ilustrasyon, darakula an letrang librong ini. An 116 na mga estorya kaiyan sa Biblia nagtatao nin ideya sa parabasa kun ano an laog kan Biblia.

Tabi ipadara, na bayad na an selyo, an matagas an patos na librong My Book of Bible Stories, na para kaiyan ilinakip ko an ₱35.00.