An Saindang Sobra Nakahipno sa Kakulangan nin Iba

TAON 49 C.E. kaidto. Si Pedro, Santiago, asin Juan—‘na ibinibilang na mga harigi’—nagtao nin asignasyon ki apostol Pablo asin sa saiyang kapwa lingkod na si Bernabe. Maninigo nindang girumdomon an mga Kristianong dukha mantang naghuhulit sinda sa mga nasyon. (Gal. 2:9, 10) Paano ninda naotob an paninimbagan na ini?

Ihinayag kan mga surat ni Pablo na tinawan nia nin atension an bagay na ini. Halimbawa, nagsurat sia sa mga Kristiano sa Corinto: ‘Mapadapit kan arambagan manongod sa mga banal, gumibo man kamo nin siring sa ipinagboot ko sa mga [kongregasyon] sa Galacia. Sa enot na aldaw nin semana an lambang saro sa saindo lumaen, siring sa saiyang nakukua, tanganing dai na mag-arambagan kun dumatong ako. Asin kun ako umabot na, an mga pagmarahayon nindo iyo an susugoon ko na magdara kan saindong mga ambag sa Jerusalem.’—1 Cor. 16:1-3.

Sa ikaduwang ipinasabong na surat ni Pablo sa mga taga Corinto, inotro nia an katuyohan kan pangongolekta. Iyan ‘tanganing mapantaypantay; sa ngonyan na panahon an saindong sobra makahipno sa saindang kakulangan.’—2 Cor. 8:12-15, An Banal na Biblia.

Kan magsurat si Pablo sa mga Kristiano sa Roma kaidtong mga 56 C.E., haros tapos na an pagkolekta. Sinabi nia: ‘Ako mapa-Jerusalem sa paglingkod sa mga banal. Huli ta pinagmarahay kan Macedonia asin kan Acaya na mag-arambagan manongod sa mga dukha sa mga banal duman sa Jerusalem.’ (Roma 15:25, 26) Dai nahaloy pakatapos kaiyan, naotob ni Pablo an saiyang asignasyon huling kan arestaron sia pagbalik nia sa Jerusalem, sinabi nia sa Romanong Gobernador na si Felix: ‘Ako napadigdi sa pagdara nin mga limos sa sakong nasyon, asin nin mga dolot.’—Gui. 24:17.

Malinaw sa sinabi ni Pablo manongod sa mga taga Macedonia kun anong espiritu an ipinahiling kan mga Kristiano kan enot na siglo. Sinabi nia na sinda ‘nakikimaherak samo na makisumaro sa paglingkod sa mga banal.’ Sinadol ni Pablo an mga taga Corinto na arogon an halimbawang iyan. Sinabi nia: ‘An lambang saro tumao siring sa pinagmawot nia sa saiyang puso, bakong sa maraot na boot o sa kapiritan, huli ta an Dios namomoot sa maogmang paratao.’ Ano an nagpahiro sa mga kongregasyon na magin siring kaiyan kamatinao? An mawot ninda bako sanang ‘mahipnoan an kakulangan nin mga banal kundi magsopay man sa dakol na pagpasalamat sa Dios.’ (2 Cor. 8:4; 9:7, 12) Marahay na magin arog man kaiyan an katuyohan kan satong pagigin matinao. Siertong bebendisyonan ni Jehova Dios an siring na marahay asin bakong makasadiring espiritu—asin an saiyang bendisyon talagang nagpapayaman sa saro.—Tal. 10:22.

Arog kan panahon ni apostol Pablo, dakol ngonyan an ‘naglalaen,’ o nagtatagama, nin kuarta tanganing ihulog sa mga kahon nin kontribusyon na may nakasurat na “Worldwide Work.” (1 Cor. 16:2) Kada bulan, ipinapadara kan mga kongregasyon an mga kontribusyon na ini sa opisina kan Mga Saksi ni Jehova na nakakasakop sa saindang nasyon. Puede man kamong direktang magpadara nin mga donasyon sa sarong legal na asosasyon na ginagamit kan Mga Saksi ni Jehova sa saindong nasyon. Tanganing maaraman an ngaran kan pangenot na legal na asosasyon na ginagamit kan Mga Saksi ni Jehova sa saindong nasyon, kontakon tabi an sangang opisina na nakakasakop dian. An adres kan sangang opisina puedeng makua sa www.jw.org. An mga klase nin donasyon na puede nindong direktang ipadara iyo an minasunod:

DIREKTANG DONASYON

• Donasyon na kuarta, alahas, o iba pang mahalagang personal na rogaring.

• Iiba an sarong surat na nagsasabing an kuarta o an mga bagay na iyan direktang donasyon.

AREGLO SA KONDISYONAL NA DONASYON

• Donasyon na kuarta na may kondisyon na puede iyan ibalik enkaso kaipuhanon kan nagdonar.

• Iiba an sarong surat na nagsasabi na an donasyon kondisyonal.

PLANO PARA SA PAG-ABULOY

Apuera sa mga regalong kuarta asin mahalagang personal na rogaring, may iba pang paagi nin pagtao nin donasyon tanganing magamit sa gibohon na pang-Kahadean sa bilog na kinaban. Nakalista iyan digdi. Ano man na paagi o mga paagi an gusto nindong gamiton, kontakon nguna tabi an sangang opisina na nakakasakop sa saindong nasyon tanganing maaraman kun arin dian an puede sa nasyon nindo. Huling nagkakalaen an legal na mga kahagadan asin mga ley sa buhis, mahalagang kumonsulta sa kualipikadong mga parakonseho sa buhis asin sa ley bago pumili nin pinakamarahay na paagi nin pagdonar.

Insurance: Donasyon na dian espesipikong sinasabi an ngaran kan asosasyon na ginagamit kan Mga Saksi ni Jehova bilang benepisyaryo nin life insurance policy o plano sa pagretiro/pension.

Deposito sa Bangko: Deposito sa bangko, sertipiko nin deposito, o indibiduwal na deposito sa pagretiro na ibinugtak sa sarong trust para sa asosasyon na ginagamit kan Mga Saksi ni Jehova o ginigibong payable sa asosasyon na iyan pagkagadan kan nagdeposito segun sa lokal na mga kahagadan kan bangko.

Stocks Asin Bonds: Idinodonar ini sa asosasyon na ginagamit kan Mga Saksi ni Jehova bilang direktang regalo o paagi sa Transfer on Death na kasundoan.

Daga Asin Harong: Madaling ikapabakal na daga asin harong na idinodonar sa asosasyon na ginagamit kan Mga Saksi ni Jehova, puedeng paagi sa direktang pagregalo o, kun residensial na rogaring, paagi sa pagkaigwa nin kontrata na puedeng padagos na mag-istar dian an nagdonar sagkod na sia nabubuhay (life estate).

Gift Annuity: Kuarta o securities na idinodonar sa asosasyon na ginagamit kan Mga Saksi ni Jehova paagi sa sarong kontrata na dian an nagdonar, o an saro na dinesignaran kan nagdonar, maresibi nin espesipikong annuity payment kada taon sagkod na sia nabubuhay. An buhis sa ginaganar kan nagdonar binabawasan para sa taon na naestablisar an gift annuity.

Testamento Asin Trust: An propiedad o kuarta puedeng ipamana sa asosasyon na ginagamit kan Mga Saksi ni Jehova paagi sa sarong legal na testamento o paagi sa sarong trust agreement na nagsasabing an asosasyon iyo an benepisyaryo kaiyan. An areglong ini puedeng magtao nin nagkapirang bentaha sa pagbuhis.

Siring kan ipinaparisa kan terminong “plano para sa pag-abuloy,” an mga klaseng ini nin donasyon nangangaipo nanggad na pagplanohan kan madonar. Tanganing tabangan an mga indibiduwal na gustong magkontribwir para sa pambilog na kinaban na gibohon kan Mga Saksi ni Jehova paagi sa sarong klase nin pag-abuloy, sarong brosyur na may titulong Charitable Planning to Benefit Kingdom Service Worldwide an inandam sa Ingles asin Kastila. Ginibo ini tanganing magtao nin impormasyon dapit sa laen-laen na paagi nin pagtao nin regalo ngonyan o paghaloyhaloy, arog nin pagpamana pag nagadan. An impormasyon sa brosyur na ini tibaad bako gabos aplikado sa situwasyon nindo huli sa mga ley sa saindong nasyon dapit sa buhis o iba pa. Huli kaini, pakabasa kan brosyur, maninigo kamong maghapot sa mga kinokonsulta nindo dapit sa ley o buhis. Sa paggamit kan siring na mga paagi nin pag-abuloy, dakol an nakatabang sa pagsuportar sa satong relihioso saka humanitaryong mga aktibidad sa bilog na kinaban asin lubos nindang naaprobetsaran an itinataong diskuento sa buhis. Kun igwa kan brosyur na iyan sa saindong nasyon, puede kamong maghagad nin kopya sa sekretaryo kan kongregasyon.

Para sa dugang pang impormasyon, puede kamong makikomunikar sa Charitable Planning Office paagi sa pagsurat o pag-apod sa telepono sa adres na nasa ibaba, o puede kamong makikomunikar sa sangang opisina na nakakasakop sa saindong nasyon.