Itinatampok kan 2011 Calendar an Pampamilyang Pagsamba

An tema kan 2011 Calendar of Jehovah’s Witnesses iyo an Pampamilyang Pagsamba. Itinatampok kan kalendaryo an mga pamilya sa presenteng panahon asin an katumbas ninda kan mga panahon kan Biblia. Ipinapaheling man dian an mga mag-agom asin daing agom na mga lingkod ni Jehova na nag-aadal kan saiyang Tataramon.

An mga karakter sa Biblia na ipinaheling sa kalendaryo ikinaogma an ley ni Jehova, asin nagin mahalagang marhay ini sa pagtabang sa sainda na makayanan an napapalaen na kadepisilan na napaatubang sa sainda. (Sal. 1:2, 3) Mantang sinisiyasat niato an lambang eksena, ipapagirumdom kaiyan sa sato an kahalagahan kan Pampamilyang Pagsamba, baga man kabilang kita sa pamilya na dakula o sadit, Saksi gabos an miembro o bako. May espasyo sa kalendaryo tanganing ikasurat nindo an aldaw na itinagama kan saindong pamilya para sa Pampamilyang Pagsamba. Sinuratan na daw nindo iyan?