An Pinakaimportanteng Bagay sa Tabernakulo

25:9, 21, 22

An Kaban an pinakaimportanteng bagay sa tabernakulo asin sa kampo kan Israel. An presensiya nin Diyos irinerepresentar nin sarong panganuron sa tahaw kan duwang kerubin na nasa ibabaw kan takop kan Kaban. Kada taon sa Aldaw nin Pagbayad sa Kasalan, malaog an halangkaw na saserdote sa Kabanal-banali asin mawirik nin dugo nin toro asin kanding sa atubangan kan takop para bayadan an mga kasalan kan Israel. (Le 16:14, 15) Ipinapanganino kaini an paglaog ni Jesus, an mas nangungurog na Halangkaw na Saserdote, sa mismong presensiya ni Jehova sa langit para ipresentar an halaga kan saiyang atang na pantubos.—Heb 9:24-26.

Ipadis an minasunod na mga teksto sa mga pakinabang na puwede tang makamtan huli sa pantubos:

• 1Ju 1:8, 9

• Heb 9:13, 14

• Ro 6:23

• paglaom na mabuhay nin daing katapusan

• kapatawadan nin mga kasalan

• malinig na konsiyensiya

Ano an kaipuhan tang gibuhon para makamtan an mga pakinabang na ini?