Magpili nin Libangan na Inuuyunan ni Jehova

Si Jehova an “maugmang Diyos.” (1 Timoteo 1:11) Gusto niya na mag-ugma kita asin mag-enjoy sa buhay. Gusto niya na magtao kita nin panahon para magpahingalo sa trabaho asin magrelaks. Aramon ta sa leksiyon na ini kun paano ta magagamit an panahon na iyan sa paaging mauugma asin makokontento kita—asin makakapaugma man ki Jehova.

1. Ano an dapat tang tandaan pag nagpipili nin libangan?

Ano an ginigibo mo para magrelaks? An iba gustong yaon lang sa harong—magbasa nin libro, magdangog nin musika, maghiling nin pelikula, o mag-browse sa internet. An iba man gusto sa luwas kaiba kan saindang mga amigo—mag-hiking, mag-outing, o magkawat. Ano man an pinipili tang libangan, kaipuhan tang siguraduhon na iyan “akseptable sa Kagurangnan.” (Efeso 5:10) Mahalagang masabutan ta ini huling kadakul nin popular na mga libangan na nagtatampok nin mga bagay na ikinakaungis ni Jehova, arog nin kadahasan, seksuwal na imoralidad, o espiritismo. (Basahon an Salmo 11:5.) Ano an makakatabang sa sato para makapili kita nin marahay na mga libangan?

Kun an mga amigong pinipili ta namumutan si Jehova, puwede sindang magkaigwa nin marahay na impluwensiya sa sato asin sa pagpili ta nin libangan. Arog kan nanudan ta sa leksiyon 48, “an saro na naglalakaw kaiba kan mga madunong magigin madunong.” Sa kabaliktaran, kun pirmi kitang nakikiiba-iba sa mga tawo na dai nagpapahalaga sa mga pamantayan nin Diyos, “mapapahamak” kita.—Talinhaga 13:20.

2. Taano ta mahalagang magbugtak kita nin limitasyon sa oras na ginagamit ta sa paglilibang?

Dawa ngani marahay an pinipili tang libangan, kaipuhan ta man giraray mag-ingat ta tibaad dakulon na panahon an nauubos niyato diyan, asin kulang na an satong oras para sa mas mahalagang mga bagay. Sinasabi sa sato kan Bibliya na gamiton “sa pinakamarahay an [satong] panahon.”—Basahon an Efeso 5:15, 16.

ARAMON PA

Aramon kun paano ka makakagibo nin marahay na mga desisyon sa pagpili nin libangan.

3. Likayan an maraot na mga libangan

Taano ta dapat na magin maingat kita sa pagpili nin libangan? I-play an VIDEO, dangan pag-ulayan an mga hapot na ini:

VIDEO: Anong Libangan an Dapat Kong Pilion? (4:39)

• Ano an mga pagkakapareho kan mga karawat kan suanoy na gladiator saka kan nagkapirang modernong libangan?

• Sa video, ano an nanudan ni Danny manungod sa libangan?

Basahon an Roma 12:9, dangan pag-ulayan an hapot na ini:

• Paano makakatabang an bersikulong ini para makapili ka nin marahay na mga libangan?

Ano an nagkapirang bagay na ikinakaungis ni Jehova? Basahon an Talinhaga 6:16, 17 asin Galacia 5:19-21. Pagkatapos na basahon an kada teksto, pag-ulayan an hapot na ini:

• Anong mga bagay na sinambit sa mga bersikulong ini an parating mahihiling sa mga libangan sa ngunyan?

Kun paano makakapili nin marahay na mga libangan

Haputon an saimong sadiri:

• Igwa daw iyan nin ano man na ikinakaungis ni Jehova?

• Nakukua daw kaiyan an panahon ko para sa mas mahalagang mga bagay?

• Parati ko daw na nakakaibanan diyan an mga tawo na dai namumutan si Jehova?

Mas harayo sa peligro, mas maray. Kaya dapat tang rayuan an ano man na libangan na sa hiling ta makakaraot sa sato

4. Gamiton sa pinakamarahay na paagi an saimong panahon

VIDEO: Paano Mo Ginagamit an Saimong Panahon? (2:45)

• Sa video, dawa ngani bako man maraot an pighihiling kan brother, ano an nagin problema niya?

Basahon an Filipos 1:10, dangan pag-ulayan an hapot na ini:

• Paano makakatabang an tekstong ini pag nagdedesisyon kita kun pirang oras an gagamiton ta sa paglilibang?

5. Magpili nin marahay na libangan

Dawa ngani may mga libangan na dai inuuyunan ni Jehova, dakul pa man giraray kitang puwedeng ma-enjoy na mga libangan. Basahon an Eclesiastes 8:15 asin Filipos 4:8, dangan pag-ulayan an hapot na ini:

• Anong marahay na mga libangan an gustong-gusto mo?

SUMARYO

Gusto ni Jehova na magpili kita nin marahay na mga libangan na mai-enjoy ta.

Rebyu

• Anong mga libangan an dapat likayan kan mga Kristiyano?

• Taano ta dapat kitang magbugtak nin limitasyon sa oras na ginagamit ta sa paglilibang?

• Taano ta gugustuhon mong pilion an mga libangan na inuuyunan ni Jehova?

HILINGON MAN

Pag-isipan kun siisay an responsable sa pinipili tang libangan.

“Ipinagbabawal Daw kan Mga Saksi ni Jehova an Partikular na mga Pelikula, Libro, o Kanta?” (Artikulo sa jw.org/bcl)

Aramon kun paano ka makakagibo nin marahay na mga desisyon pag nagpipili nin libangan.

“Kapakipakinabang daw an Pag-aling-aling Nindo?” (An Torrengbantayan, Oktubre 15, 2011)

Sa istorya na “Napagtagumpayan Ko Pa Nga ang Pagtatangi,” aramon kun taano ta binago kan sarong lalaki an pinipili niyang mga libangan.

“Binago ng Bibliya ang Kanilang Buhay” (Ang Bantayan, Pebrero 1, 2010)

Aramon kun paano nakagibo nin marahay na desisyon an sarong ina manungod sa libangan na nagtatampok nin mga istorya na konektado sa maraot na mga espiritu.

Likayan an mga Libangan na Nagtatampok nin Espiritismo (2:02)