Marahay na mga Gibo na Dai Malilingawan

An gabos na lingkod ni Jehova puwedeng makagibo nin rekord nin marahay na mga gibo sa sagradong paglilingkod sa satong Diyos. Arog nin sarong mamumuton na magurang na pinapahalagahan an mga nagibo kan saiyang mga aki, dai malilingawan ni Jehova an satong mga ginibo asin an pagkamuot na ipinahiling ta para sa saiyang pangaran. (Mat 6:20; Heb 6:10) Siyempre, iba-iba an satong mga kakayahan asin kamugtakan. Alagad, kun gigibuhon ta an satong pinakamakakaya sa satong paglilingkod ki Jehova, magigin maugma kita. (Ga 6:4; Col 3:23) Sa naglihis na mga taon, rinibo nang mga tugang an naglingkod sa Bethel. Puwede ka daw na magboluntaryo sa Bethel? Kun dai, puwede mo daw pakusugon an iba na magboluntaryo o tabangan an sarong miyembro kan pamilyang Bethel na makapagpadagos sa paglilingkod sa espesyal na paaging ini?

HILINGON AN VIDEONG MAGIN ANDAM NA MAGLINGKOD SA BETHEL, DANGAN SIMBAGON AN MINASUNOD NA MGA HAPOT:

• Ano an dapat na magin motibasyon sa paglilingkod sa Bethel?

• Ano an sinasabi kan nagkapira manungod sa mga bendisyon sa paglilingkod sa Bethel?

• Ano an mga kuwalipikasyon para makapaglingkod sa Bethel?

• Paano ka maaplay para makapaglingkod sa Bethel?