Pangaturugan na Sana Daw an Pagkapantay-pantay nin Lahi?—Ano an Sinasabi kan Bibliya?

Para sa dakul na tawo, an pagkapantay-pantay nin lahi sarong pangaturugan pa man giraray na dai pa nagkakatotoo.

• “An rasismo garo hilo na padagos na nangraraot nin mga institusyon, mga social group, saka sa aroaldaw na buhay nin tawo sa lambang sosyedad. Padagos iyan na nagigin dahilan na magin bakong patas an pagtratar nin mga tawo sa lambang saro.”—Antonio Guterres, UN Secretary-General.

Posible pa daw an pagkapantay-pantay nin lahi? Ano an sinasabi kan Bibliya?

Itinutukdo sa sato kan Bibliya kun paano minamansay nin Diyos an mga tawo na magkakaiba an lahi.

• “Ginibo [nin Diyos] hali sa sarong tawo an gabos na nasyon kan katawuhan tanganing mag-istar sa ibabaw kan bilog na daga.”—Gibo 17:26.

• “An Diyos mayong pinapalain, kundi sa lambang nasyon, inaako niya an tawong may pagkatakot sa saiya asin naggigibo nin matanos.”—Gibo 10:34, 35.

Ihinahayag kan Bibliya na an gabos na tawo parte nin saro sanang pamilya asin na inaako nin Diyos an gabos na tawo ano man an lahi ninda.

Magkakatotoo an pagkapantay-pantay paagi sa Kahadian nin Diyos, na sarong gobyerno sa langit. Tutukduan kaiyan an mga tawo kun paano tatrataron nin tama an iba. Manunudan kan mga tawo kun paano mahahali an ano man na pagpalain-lain na tibaad igwa sinda.

• “[Manunudan] kan mga nag-iistar sa kadagaan an manungod sa katanusan.”—Isaias 26:9.

• “An resulta kan tunay na katanusan iyo an katuninungan, asin an bunga kan tunay na katanusan iyo an nagdadanay na katrangkiluhan saka katiwasayan.”—Isaias 32:17.

Ngunyan, minilyon na tawo an nakakanuod sa Bibliya kun paano tatrataron an iba nin may paggalang asin dignidad.

• Para makanuod pa, basahon an isyu kan Gumising! na may titulong “Maaalis Pa Ba ang Diskriminasyon?”

• Basahon an artikulong “Ipakipag-usap sa mga Anak ang Tungkol sa Diskriminasyon” para makanuod kun paano ipapakipag-ulay kan mga magurang an manungod diyan sa saindang harong.