• Pahalagahan an Regalong Buhay
    Mabuhay nin Maugma Sagkod Pa Man!—Interactive na Pag-adal sa Bibliya

    • 5. Igalang an buhay kan dai pa namumundag na umboy

      Sarong bados na pighahapiyap an saiyang tulak.

      Paagi sa sarong tula, ipinaliwanag ni David na interesado si Jehova sa gabos na nangyayari sa sarong umboy mantang nagdadakula ini sa tulak kan saiyang ina. Basahon an Salmo 139:13-17, dangan pag-ulayan an hapot na ini:

      • Para ki Jehova, nuarin nagpupuon an buhay nin sarong tawo, sa pangingidam o sa pagkamundag?

      An mga katugunan ni Jehova sa suanoy na Israel nagprotektar sa mga ina asin sa saindang dai pa namumundag na umboy. Basahon an Exodo 21:22, 23, dangan pag-ulayan an mga hapot na ini:

      • Ano an paghiling ni Jehova sa sarong tawo na aksidenteng nakagadan nin dai pa namumundag na umboy?

      • Ano daw an mamamati ni Jehova kun tuyong gigibuhon iyan nin sarong tawo?b

      • Ano an masasabi mo sa pagmansay nin Diyos sa buhay?

      I-play an VIDEO.

      VIDEO: Arugon an Pagpapahalaga nin Diyos sa Buhay (5:00)

      Puwedeng mamati dawa kan sarong babayi na may pagpapahalaga sa buhay na mayo na siyang ibang magigibo kundi an magpalaglag. Basahon an Isaias 41:10, dangan pag-ulayan an mga hapot na ini:

      • Kun an sarong babayi nagigipit na magpalaglag, kiisay siya puwedeng maghagad nin tabang? Taano?