Watchtower ONLINE NA LIBRARYA

An Pagpapahalaga daw Nindo sa Buhay Kapareho kan sa Dios?

“Magdanay Kamo sa Pagkamoot nin Dios”
- 5, 6. Paano ipinaheling kan Ley ni Moises na an dugo sagrado sagkod mahalagang marhay? (Helingon man an kahon na “Igalang an Buhay nin mga Hayop.”)
  
  ⁵ An duwang pundamental na katotoohan na ini maheheling man sa Ley ni Moises. An Levitico 17:10, 11 nagsasabi: “Kun manongod sa siisay man na tawo . . . na magkakan nin ano man na klase nin dugo, tunay nanggad na ibabaling ko an sakong lalawgon tumang sa kalag na nagkakakan kan dugo, asin popohoon ko nanggad sia sa saiyang banwaan. Huli ta an kalag kan laman yaon sa dugo, asin ako mismo nagbugtak kaiyan sa ibabaw kan altar tanganing kamo makabayad sa kasalan para sa saindong kalag, huli ta an dugo iyo an bayad sa kasalan paagi sa kalag na yaon dian.”a—Helingon an kahon na “An Kakayahan nin Dugo na Makabayad sa Kasalan.”
  
  AN KAKAYAHAN NIN DUGO NA MAKABAYAD SA KASALAN
  
  Sa Tataramon nin Dios, an dugo ibinibilang na katumbas nin buhay. Huli kaini, imbes na kondenaron huli ta binalga nia an mga togon ni Jehova, an sarong nagsosolsol na nagkasala sa suanoy na Israel puedeng magdolot nin atang na hayop sa altar nin Dios. (Levitico 4:27-31) An atang na ini nakakabayad sa mga kasalan nia alagad temporaryo sana.
  
  Sa pagkagamit sa Biblia, an “pagbayad sa kasalan” nangangahulogan nin “karibay” o “pantakop,” arog halimbawa kun paanong an tamang takop eksaktong makakatakop sa sarong lalagan. Siempre, mayo nin hayop na sangkap na “makakatakop,” o makakabayad, sa mga kasalan nin sarong tawo. Minsan siring, an mga atang na hayop naglaladawan nanggad sa maabot na sangkap na atang na pambayad sa kasalan.—Hebreo 10:1, 4.
  
  An pagbayad na iyan sa kasalan itinao “paagi sa pagdolot kan hawak ni Jesu-Cristo nin sararoan sana.” (Hebreo 10:10) An sangkap na buhay ni Cristo bilang tawo, na irinerepresentar kan saiyang “mahal na marhay na dugo, siring kan sa daing kaninan asin daing digtang kordero,” iyo an eksaktong katimbang kan buhay na iwinara ni Adan. (1 Pedro 1:19) Sa siring, sa nangongorog kagayon asin kamamomoton na paagi, napanigoan an hustisya asin nagin posible an satong “daing katapusan na kaligtasan.”—Hebreo 9:11, 12; Juan 3:16; Kapahayagan 7:14.

An Pagpapahalaga daw Nindo sa Buhay Kapareho kan sa Dios?

“Magdanay Kamo sa Pagkamoot nin Dios”
- a Mapadapit sa tataramon nin Dios, na “an kalag kan laman yaon sa dugo,” nagkomento an magasin na Scientific American: “Minsan ngani totoo na an dugo puedeng gamiton na metapora, o simbolo nin buhay, an mga tataramon na ini literal na totoo: an kada klase nin selula nin dugo kaipuhan tanganing mabuhay.”