Watchtower ONLINE NA LIBRARYA

ONLINE NA LIBRARYA

mwb16 Abril p. 3
Rangahon Asin Pakusugon an Iba Paagi sa Mabuot na mga Tataramon

An Satong Kristiyanong Pamumuhay Asin Ministeryo—Workbook Para sa Pagtiripon—2016

mwb16 Abril p. 3

KAYAMANAN NA YAON SA TATARAMON NIN DIYOS | JOB 16-20

Rangahon Asin Pakusugon an Iba Paagi sa Mabuot na mga Tataramon

Magin nakakapakusog pag nagtatao nin konseho

Napurisaw saka pinangluyahan nin buot si Job, kaya kaipuhan niya nin madamay asin mapakusog saiya
Mayo lamang nin sinabing nakakapakusog an tulong kaiba-iba ni Job. Pigparasahutan sana ninda si Job na nakadagdag pa sa kapurisawan niya

Nanambitan si Job sa grabeng kapurisawan huli sa makulog na mga sinabi ni Bildad

Nakimahirak si Job sa Diyos na maginhawahan lamang siya—dawa pa sa kagadanan
An paglaom na mabuhay liwat an inisip ni Job asin padagos siyang nagtagal nin may kaimbudan

Kinakaulay ni Elifaz si Job mantang nakahiling si Bildad asin Zofar

AN MGA NAGSAHOT KI JOB

Elifaz:

Posibleng taga Teman sa lugar nin Edom. Ipinapahiling kan Jeremias 49:7 na an Teman sentro nin kadunungan kan Edom
Posibleng an pinakamatua saka pinakarinerespeto sa mga sagin nanranga ki Job kaya siya an inot na nagtaram. Tulong beses siyang nagtaram, na mas halawig kumpara sa sinabi kan duwa

Mga sahot:

Pigtuya-tuya an integridad ni Job saka dai daang tiwala an Diyos sa mga lingkod niya (Job 4, 5)
Pangahas daa si Job, maraot, saka daing pagkatakot sa Diyos (Job 15)
Mahanab daa si Job saka may mga ginibong bakong tama, asin dai daang serbi sa Diyos an tawo (Job 22)

Bildad:

Naggikan ki Shuah. Posibleng nakaistar sa may Salog nin Eufrates
Panduwang nagtaram. Tulong beses nagtaram na mas haralipot pero mas makulog kisa sa sinabi ni Elifaz

Mga sahot:

Pinapaluwas na nagkasala an mga aki ni Job kaya napahamak, saka si Job mismo tuminalikod daa sa Diyos (Job 8)
Parakasala daa si Job (Job 18)
Mayo daa nin tawong may integridad (Job 25)

Zofar:

Sarong Naamatita na posibleng nakaistar sa parteng amihanan-sulnupan kan Arabia
Pantulong nagtaram. Duwang beses sana siyang nagtaram. Siya an may pinakamakulog na sinabi

Mga sahot:

Dai daang kamanungdanan an mga sinabi ni Job saka magpundo na daa ini sa mga ginigibong maraot (Job 11)
Pinapaluwas na maraot si Job asin nauugmang gumibo nin kasalan (Job 20)