LEKSIYON 46
Taano ta Kaipuhan Magdusay Asin Magpabawtismo?
Maidudusay mo ki Jehova an saimong sadiri paagi sa pagpangako saiya sa pamibi na siya sana an sasambahon mo asin na iinuton mo sa saimong buhay an saiyang kabutan. (Salmo 40:8) Dangan pag binawtismuhan ka, ipinapahiling mo sa iba na nagdusay ka na. An pagdusay kan saimong sadiri ki Jehova an pinakaimportanteng desisyon na magigibo mo na makakapabago sa saimong buhay. Ano an puwedeng makapahiro sa saimo na gibuhon iyan?
1. Ano an nagpapahiro sa sarong tawo na magdusay?
Namumutan ta si Jehova kaya gusto tang idusay an satong buhay sa saiya. (1 Juan 4:10, 19) Sinasabi sa sato kan Bibliya: “Kamutan mo si Jehova na saimong Diyos sa bilog mong puso asin sa bilog mong kalag saka sa bilog mong isip pati sa bilog mong kusog.” (Marcos 12:30) Ipinapahiling ta na namumutan ta an Diyos bako lang sa satong mga sinasabi kundi pati sa satong mga ginigibo. An magkailusyon na talagang namumutan an lambang saro, nagdedesisyon na magpakasal. Sa kaagid na paagi, huling namumutan ta si Jehova, napapahiro man kita na idusay sa saiya an satong sadiri asin magpabawtismo.
2. Anong mga bendisyon an itinatao ni Jehova sa saiyang bawtisadong mga Saksi?
Pag nabawtismuhan ka, magigin miyembro ka kan maugmang pamilya ni Jehova. Dangan mamamati mo an saiyang pagkamuot na ipinapahiling niya sa manlain-lain na paagi, asin magigin mas harani ka sa saiya. (Basahon an Malakias 3:16-18.) Apuwera sa magigin Ama mo si Jehova, magkakaigwa ka man nin espirituwal na pamilya sa bilog na kinaban na namumuot ki Jehova asin namumutan ka. (Basahon an Marcos 10:29, 30.) Pero siyempre, may mga dapat kang gibuhon para mabawtismuhan. Kaipuhan mong makanuod manungod ki Jehova, mamutan siya, asin magkaigwa nin pagtubod sa saiyang Aki. Ultimo, dapat mong idusay ki Jehova an saimong buhay. Kun gigibuhon mo an mga iyan dangan mapabawtismo, magigin posible para saimo na mabuhay nin maugma ngunyan asin sagkod pa man. Sinasabi kan Tataramon nin Diyos: “An bawtismo . . . iyo man ngunyan an nagliligtas sa saindo.”—1 Pedro 3:21.
ARAMON PA
Aramon kun taano ta mahalaga na idusay mo an saimong sadiri ki Jehova asin magpabawtismo.
3. Kaipuhan ta gabos na pumili kun kiisay kita malingkod
Sa suanoy na Israel, naghuhuna an mga tawo na pareho nindang masasamba si Jehova saka an palsong diyos na si Baal. Pero isinugo ni Jehova an propeta niyang si Elias para itanos an salang kaisipan na iyan. Basahon an 1 Hadi 18:21, dangan pag-ulayan an hapot na ini:
Anong desisyon an kaipuhan na gibuhon kan mga Israelita?
Arog kan mga Israelita, dapat na magdesisyon man kita kun siisay an satong paglilingkudan. Basahon an Lucas 16:13, dangan pag-ulayan an mga hapot na ini:
Taano ta dai ta puwedeng sambahon si Jehova asin kasabay kaiyan may sinasamba pa kitang iba?
Paano ta maipapahiling ki Jehova na siya sana an pinili tang sambahon?
4. Hurop-hurupon an pagkamuot ni Jehova sa saimo
Kadakul nin itinao sa sato si Jehova na mahalagang marhay na mga regalo. Ano an maibabalos ta sa saiya? I-play an VIDEO.
Ano an nagkapirang paagi na ipinahiling ni Jehova na namumutan ka niya? Basahon an Salmo 104:14, 15 asin 1 Juan 4:9, 10, dangan pag-ulayan an mga hapot na ini:
Anong mga regalo ni Jehova an ipinagpapasalamat mong marhay?
Ano an namamati mo ki Jehova dahil sa mga regalong iyan?
Pag nagustuhan tang marhay an regalong itinao sa sato, siguradong ipapahiling ta an satong pasasalamat sa nagtao kaiyan. Basahon an Deuteronomio 16:17, dangan pag-ulayan an hapot na ini:
Ano sa hiling mo an maibabalos mo ki Jehova huli sa gabos na ginibo niya para sa saimo?
5. An pagdusay ki Jehova nagdadara nin dakul na bendisyon
Dakul na tawo an naniniwala na an kasikatan, marahay na trabaho, o kuwarta iyo an makakapaugma sa sainda. Totoo daw iyan? I-play an VIDEO, dangan pag-ulayan an mga hapot na ini:
Sa video, dawa ngani gustong-gusto kan atleta an pagkawat nin soccer, taano ta binayaan niya iyan?
Nagdesisyon siya na itao an saiyang pinakamakakaya bako sa soccer kundi ki Jehova. Sa hiling mo, tama daw an nagin desisyon niya? Taano?
Bago nagin Kristiyano si apostol Pablo, igwa siya nin halangkaw na propesyon. Nag-adal siya nin Judiong ley, asin sarong bantog na paratukdo an nagtukdo sa saiya. Pero binayaan niya iyan para magin sarong Kristiyano. Igwa daw nin ano man na pinagbasulan si Pablo? Basahon an Filipos 3:8, dangan pag-ulayan an mga hapot na ini:
Taano ta ibinilang ni Pablo na “mga basura” an mga nagibo asin nakamtan niya bago siya nagin Kristiyano?
Ano an nakamtan niya kan magin Kristiyano siya?
Kun ikukumparar mo an paglilingkod ki Jehova sa iba pang bagay na magigibo sa buhay mo, ano an masasabi mo?
Kan si Pablo magin sarong Kristiyano, mas dakul nanggad an nakamtan niya kisa sa mga bagay na binayaan niya
MAY MGA NAGSASABI: “Garo sobra man kun bilog tang buhay nakapokus lang sa pagsamba sa Diyos.”
Sa hiling mo, taano ta tama sanang idusay mo an saimong buhay ki Jehova?
SUMARYO
Namumutan ta si Jehova kaya gusto tang idusay sa saiya an satong buhay asin magpabawtismo.
Rebyu
Taano ta dapat sanang itao ta ki Jehova an satong bilog na pusong pagkamuot asin pagsamba?
Anong mga bendisyon an itinatao ni Jehova sa saiyang bawtisadong mga Saksi?
Gusto mo daw na idusay an saimong buhay ki Jehova?
HILINGON MAN
Aramon kun taano ta nagdesisyon an sarong parakanta asin an sarong atleta na idusay an saindang sadiri ki Jehova.
Hapot kan mga Hoben—Ano an Gigibuhon Ko sa Sakong Buhay?—Paggirumdom sa Nakaagi (6:52)
Pag-isipan an iba pang mga dahilan kun taano ta dapat sanang idusay ta an satong sadiri ki Jehova.
“Taano ta Dapat Mong Idusay an Saimong Sadiri ki Jehova?” (An Torrengbantayan, Enero 15, 2010)
Sa music video na ini, hilingon an kaugmahan kan mga nagdusay kan saindang sadiri ki Jehova.
Sa istorya na “Haloy Ko Nang Pinag-iisipan, ‘Taano ta Nabubuhay Kita?’” aramon kun ano an nakapahiro sa sarong babayi na pag-isipan an saiyang mga priyoridad sa buhay.
“Binago kan Bibliya an Saindang Buhay” (An Torrengbantayan, Nobyembre 1, 2012)