• ‘Minsan Gadan Na, Siya Nagtataram Pa’
    Arugon an Saindang Pagtubod

    •  5. Ano an buot sabihon ni Jesus kan ikonektar niya si Abel sa panahon kan ‘pag-establisar kan kinaban’? (Hilingon man an nota sa ibaba.)

      5 Ipinangaki si Abel kan nagpupuon pa sana an kasaysayan nin tawo. Pag-abot nin panahon, ikinonektar ni Jesus si Abel sa panahon kan ‘paglalang [o pag-establisar] kan kinaban.’ (Basahon an Lucas 11:50, 51.) Minalataw na an buot sabihon ni Jesus iyo an kinaban nin mga tawo na may paglaom na balukaton sa kasalan. Minsan ngani si Abel an ikaapat na tawong nabuhay, minalataw na siya an inot na nahiling nin Diyos na angay na balukaton.a Malinaw na nagdakula si Abel na mayo nin marahay na arugan.

  • ‘Minsan Gadan Na, Siya Nagtataram Pa’
    Arugon an Saindang Pagtubod

    • a An pananaram na ‘pag-establisar kan kinaban’ igwa kan ideya na pagsabwag nin banhi, na nagsusuherir nin pangangaki, kaya konektado iyan sa kainot-inuting aki nin tawo. Pero taano ta ikinonektar ni Jesus ki Abel an ‘pag-establisar kan kinaban’ asin bako ki Cain, na iyo an inot na ipinangaki? An mga desisyon asin paggawi ni Cain nagpapahiling nin tuyong pagrebelde ki Jehova. Arog kan mga magurang niya, minalataw na siya dai man bubuhayon liwat ni babalukaton.