Arogon an Halimbawa ni Jesus sa Diosnon na Debosyon

“An banal na hilom kan diosnon na debosyon na ini tunay na dakula: ‘Sia [si Jesus] nahayag sa laman.’”​—1 TIMOTEO 3:16.

 1. (a) Anong hapot an dai nasimbag sa laog nin labing 4,000 na taon? (b) Kasuarin asin paano itinao an simbag?

IDTO hapot na dai nasimbag sa laog nin labing 4,000 na taon. Poon kan an enot na tawo, si Adan, dai nakapagdanay sa integridad, an hapot: Paano daw ikapaheheling an diosnon na debosyon sa tahaw nin mga tawo? Sa katapustapusi, kan enot na siglo C.E., sa pagdigdi sa daga kan Aki nin Dios, itinao an simbag. Sa gabos na kaisipan, tataramon, asin gibo, ipinaheling ni Jesu-Cristo an saiyang personal na pagkadayupot ki Jehova. Sa siring binukasan nia an ‘banal na hilom nin diosnon na debosyon,’ na ipinaheheling an paagi na an nagdusay na mga tawo makapagpadanay sa siring na debosyon.—1 Timoteo 3:16.

 2. Sa pagsunod sa diosnon na debosyon, taano ta maninigo na horophoropon niato an halimbawa ni Jesus?

² Sa pagsunod sa diosnon na debosyon bilang nagdusay, nabautismohan na mga Kristiano marahay na ‘horophoropon’ niato an halimbawa ni Jesus. (Hebreo 12:3) Taano? Huli sa duwang dahelan. Enot, an halimbawa ni Jesus makatatabang sato na makultibar an diosnon na debosyon. Mas midbid ni Jesus an saiyang Ama kisa siisay pa man. (Juan 1:18) Asin inarog na gayo ni Jesus an mga dalan asin kuwalidad ni Jehova na sia nakasabi: “An nakaheling sa sako nakaheling man sa Ama.” (Juan 14:9) Kun siring, paagi sa buhay asin ministeryo ni Jesus magkakamit kita nin mas hararom na pag-apresyar sa maboboot na kuwalidad ni Jehova, sa siring pinakokosog an satong personal na pagkadayupot sa satong mamomoton na Kaglalang. Ikaduwa, an halimbawa ni Jesus makatatabang sato sa pagpaheling nin diosnon na debosyon. Itinao nia an sangkap na halimbawa nin paggawe na nagpapaheling nin diosnon na debosyon. Kaya marahay na horophoropon niato kun paano niato ‘ikasosolog si Cristo,’ an boot sabihon, gibohon siang modelo, arogon an saiyang halimbawa.—Roma 13:14.

 3. Ano an maninigong kaiba sa satong programa sa personal na pag-adal sa Biblia, asin taano?

³ Bakong gabos na isinabi asin ginibo ni Jesus napreserbar sa kasuratan. (Juan 21:25) Kaya an mga isinurat sa pasabong nin Dios maninigong magkaigwa nin partikular na interes sa sato. An programa sa personal na pag-adal sa Biblia maninigo kun siring na may kaibang regular na pagbasa sa mga tala manongod sa buhay ni Jesus sa Ebanghelyo. Alagad tangani na an siring na pagbasa makatabang sato sa satong pagsunod sa diosnon na debosyon, kaipuhan na tawan niato nin panahon an may pag-apresyar na paghorophorop sa satong binabasa. Kaipuhan na alisto man kitang helingon an lihis pa sa risa.

Kun Ano an Ama, Iyo Man an Aki

 4. (a) Ano an nagpapaheling na si Jesus tawong may init asin hararom na pagmate? (b) Anong pagsasadiring boot at guubo ni Jesus sa pagtratar sa iba?

⁴ Helinga an sarong halimbawa. Si Jesus tawong may init asin hararom na pagmate. Mangnoha sa Marcos 10:1, 10, 13, 17, asin Mr 10:35 na an mga tawo hale sa gabos na edad asin pinaghalean dai nag-alangan na dumolok sa saiya. Bako sanang sa sarong okasyon, kinugos nia an mga aki. (Marcos 9:36; 10:16) Taano an mga tawo, pati mga aki, ta pamugtak na marhay an boot ki Jesus? Huli sa saiyang sinsero, tunay na interes sa sainda. (Marcos 1:40, 41) Ini risa ta parate na sia nagsasadiring boot na dumolok sa iba na nagkakaipo nin tabang. Kaya, mababasa niato na “naheling” nia an balo na taga-Nain na an gadan na aki pinapasan parayo. Dangan sia “nagdolok” asin binuhay liwat an barobata, asin mayo nin nasasabi na may nakiolay sa saiyang gibohon iyan. (Lucas 7:13-15) Sia nagsadiri man na boot, na dai man pinakikiolayan, na paomayan an sarong pilay na babae asin an sarong lalaking may beriberi.—Lucas 13:11-13; 14:1-4.

 5. Ano an itinotokdo sa sato kan mga kasaysayan na ini manongod sa ministeryo ni Jesus dapit sa mga kuwalidad asin dalan ni. Jehova?

⁵ Kun binabasa nindo an siring na mga pangyayari, umontok asin ihapot sa sadiri: ‘Mantang si Jesus sangkap na nag-aarog sa saiyang Ama, ano an sinasabi sako kan mga talang ini manongod sa mga kuwalidad asin dalan ni Jehova?’ Iyan maninigong magpasarig kan satong boot na si Jehova Dios na may init asin hararom na pagmate. An kosog kan saiyang nagdadanay na interes sa pamilya nin tawo nagpahiro sa saiya na magsadiring boot sa pagtratar sa sainda. Dai sia kinaipuhan na piriton sa pagtao kan saiyang Aki bilang “pantubos na karibay nin dakol.” (Mateo 20:28; Juan 3:16) Sia naghahanap nin mga oportunidad na ‘makidayupot’ sa mga maglilingkod sa saiya huli sa pagkamoot. (Deuteronomio 10:15) Arog kan sabi kan Biblia: “An mga mata [ni Jehova] naglilibot sa bilog na daga tanganing ipaheling an saiyang kosog para duman sa mga an puso bilog para sa saiya.”—2 Cronica 16:9.

 6. Ano an ibinubunga kan satong paghorophorop sa init asin hararom na pagmate ni Jehova na ipinaheling kan saiyang Aki?

⁶ An paghorophorop nin arog kaini sa init asin hararom na pagmate ni Jehova, na ipinaheling kan saiyang Aki, mapahiro sa saindong puso, na pinapano iyan nin orog na pag-apresyar sa Saiyang maboot asin nakaaagyat na mga kuwalidad. Ini man madagka sa saindo na rumani sa saiya. Mapahihiro kamo na dumolok nin daing pag-alangan sa saiya sa pamibi sa gabos na panahon asin sa irarom nin gabos na kamugtakan. (Salmo 65:2) Pakokosogon kaiyan an saindong personal na relasyon sa saiya.

 7. Pakahorophoropa kan init asin hararom na pagmate ni Jehova, ano an maninigo nindong ihapot sa saindong sadiri, asin taano?

⁷ Alagad girumdoma na bako sanang may pagsambang pagmate an kalabot sa diosnon na debosyon. Arog kan komento kan iskolar sa Biblia na si R. Lenski, kalabot dian “an bilog niatong magalang, may pagsambang kaisipan asin an mga gibo na bunga kaiyan.” (Samo an italiko.) Kaya pakahorophoropa kan init asin hararom na pagmate ni Jehova na ipinaheling ni Jesus, ihapot sa saindong sadiri: ‘Paano daw ako orog na makakaarog ki Jehova sa bagay na ini? Dai daw nag-aalangan na dumolok sa sako an iba?’ Kun kamo magurang, dapat na madali kamong dolokon kan saindong mga aki. Asin kun kamo magurang sa kongregasyon, tunay na maninigo kamong magin madaling dolokon. Kun siring, paano kamo magigin orog na madaling dolokon? Paagi sa init asin hararom na pagmate. Kaipuhan na pataluboon nindo an sinsero, tunay na interes sa iba. Kun kamo may tunay na pagmakolog sa iba asin andam na itao an saindong sadiri para sa sainda, maririsa ninda ini asin mapaparani an saindang boot sa saindo. Kaya mantang binabasa nindo an mga tala kan Biblia manongod ki Jesus, girumdomon na dakol an manonodan nindo manongod ki Jehova bilang persona sa mga sinabi asin ginibo ni Jesus. Asin kun an pag-apresyar nindo sa mga kuwalidad nin Dios, na ipinaheling ni Jesus, nagpapahiro saindo na maghingoang orog na makaarog sa Saiya, pinatutunayan nindo an saindong diosnon na debosyon.

 8. (a) Ano an maninigo nindong isaisip mantang binaba-sa nindo an mga tala kan Biblia manongod ki Jesus? (b) Ano an nanonodan niato manongod ki Jehova sa mga tala na sinitar sa nota sa ibaba?

⁸ Kaya mantang binabasa nindo an mga tala kan Biblia manongod ki Jesus, girumdomon na dakol an manonodan nindo manongod ki Jehova bilang persona sa mga sinabi asin ginibo ni Jesus.a Asin kun an pag-apresyar nindo sa mga kuwalidad nin Dios, na ipinaheling ni Jesus, nagpapahiro saindo na maghingoang orog na makaarog sa Saiya, pinatutunayan nindo an saindong diosnon na debosyon.

Paggibo nin Diosnon na Debosyon sa mga Kaiba sa Pamilya

9, 10. (a) Paano an pagkamoot asin pagmakolog ni Jesus sa saiyang ina, si Maria, ipinaheling mga pirang minuto na sana bago sia nagadan? (b) Taano ta ki apostol Juan ipinaniwala ni Jesus an pag-ataman ki Maria asin bakong sa saro niang tugang sa laman?

⁹ An buhay asin ministeryo ni Jesu-Cristo dakula an ihinahayag manongod sa kun paano maninigong ipaheling an diosnon na debosyon. An sarong nakapahihirong halimbawa nakatala sa Juan 19:25-27, na dian satong mababasa: “Alagad sa kataed kan hariging pasakitan ki Jesus nagtitirindog an saiyang ina asin an tugang na babae kan saiyang si Maria na agom ni Clopas, asin si Maria Magdalena. Kaya si Jesus, kan maheling an saiyang ina asin an disipulo na namomotan nia [si Juan] na nagtitindog, nagsabi sa saiyang ina: ‘Babae, uya! saimong aki!’ Dangan sia nagsabi sa disipulo: ‘Uya! An saimong ina!’ Asin magpoon kan oras na idto dinara sia kan disipulo sa saiyang harong.”

¹⁰ Isip-isipa iyan! Mga pirang minuto na bago nia isuko an saiyang daganon na buhay, pagkamoot asin pagmakolog ni Jesus nagpahir sa saiya na ipaniwala an pag-ataman sa saiyani ina, si Maria, (na ngonyan saro nang balo) namomotan na apostol na si Juan. Alagad tan ta ki Juan asin bako sa saro sa mga tugang s. laman ni Jesus? Huli ta an ginigirumdom L Jesus bako sanang an pisikal, materyal na nip pangangaipo ni Maria kundi nangorogna saiyang espirituwal na ikararahay. Asin pinatunayan ni apostol Juan (na posibleng pinsan ni Jesus) an saiyang pagtubod, mantang mayo nin nagpaparisa na an mga tugang sa laman ni Jesus nagtutubod na kaidto.—Mateo 12:46-50; Juan 7:5.

11. (a) Sono ki Pablo, paano makagigibo nin diosnon nadebosyon an sarong Kristiano sa sadiri niang pamilya? (b) Taano an tunay na Kristiano ta nagsusustento sa gurang nang mga magurang?

¹¹ Ngonyan, paano ini nagin kapahayagan nin diosnon na debosyon? Si apostol Pablo nagpapaliwanag: “Galangan mo an mga babaeng balo na balo man nanggad. Alagad kun an siisay man na balo igwa nin mga aki o makoapo, pabayaan nguna an mga ini na makanood na maggibo diosnon na debosyon sa saindang sadiring pamilya asin padagos na magbalos sa saindang mga magurang asin apoon, huli ta ini an marahay sa pagheling nin Dios.” (1 Timoteo 5:3,4) An paggalang sa mga magurang paagi sa pagtao nin materyal na sustento kun iyan kaipuhan na, arog kan sabi ni Pablo, sarong kapahayagan diosnon na debosyon. Taano man? Si Jehova, an Kagpundar sa areglo nin pamilya, nagboboot sa mga aki na igalang an saindang mga magurang. (Efeso 3:14, 15; 6:1-3) Kun siring, minimidbid kan tunay na Kristiano na an pag-asikaso sa siring na paninimbagan sa pamilya bako sanang nagpapaheling nin pagkamoot sa magurang kundi nagpapaheling man nin paggalang sa Dios asin pagkuyog sa saiyang mga pagboot.—Ikomparar an Colosas 3:20.

12. Paano nindo magigibo an diosnon na debosyon sa gurang nang mga magurang, asin ano an maninigong magin motibo?

¹² Kun siring, paano nindo magigibo an diosnon na debosyon sa mga kaiba sa pamilya? Tunay na kaiba digdi an pag-areglo na asikasohon an espirituwal asin materyal na mga pangangaipo nin gurang nang mga magurang, arog kan ginibo ni Jesus. An dai pakagibo kaiyan magpaparisa nin kadaihan nin diosnon na debosyon. (Ikomparar an 2 Timoteo 3:2, 3, 5.) An nagdusay na Kristiano nagtatagama para sa nangangaipong mga magurang bako sanang huh sa kabootan o obligasyon kundi huli ta namomotan nia an saiyang pamilya, asin minimidbid nia an dakulang pagpapahalaga ni Jehova sa pag-asikaso sa paninimbagan na iyan. Kaya, an pag-ataman nia sa gurang nang mga magurang kapahayagan nin diosnon na debosyon.b

13. Paano makagigibo nin diosnon na debosyon an sarong Kristianong ama sa saiyang pamilya?

¹³ An diosnon na debosyon magigibo sa harong sa ibang paagi. Halimbawa, an Kristianong ama may paninimbagan na sustentohan an saiyang pamilya sa materyal, emosyonal, asin espirituwal. Kun siring, apuwera sa pagtao nin materyal na sustento, sia mamomoton na nag-aareglo nin regular na pampamilyang pag-adal sa Biblia. Nag-iiskedyul sia nin panahon na makikabtang nin regular sa ministeryo sa langtad kaiba kan saiyang pamilya. Timbang sia, na minimidbid na kaipuhan man ninda an pahingalo asin pag-aling-aling. Asin madonong niang itinatalaga kun ano an mahahalaga, na dai itinotogot na an aktibidad kan kongregasyon magpangyari saiya na mapabayaan an saiyang pamilya. (1 Timoteo 3:5, 12) Taano ta ginigibo nia an gabos na ini? Bako sanang huli sa obligasyon kundi huli sa pagkamoot sa saiyang pamilya. Minimidbid nia kun gurano kahalaga ki Jehova kan pag-asikaso sa pamilya. Kaya paagi sa pag-otob sa saiyang paninimbagan bilang agom na lalaki asin ama, sia naggigibo nin diosnon na debosyon.

14. Paano makapagpapaheling nin diosnon na debosyon an sarong agom na Kristiana sa harong?

¹⁴ An mga agom na Kristiana may paninimbagan man na gumibo nin diosnon na debosyon sa harong. Paano? Sinasabi kan Biblia na an agom na babae maninigong “magpasakop” sa saiyang agom asin magkaigwa nin “hararom na paggalang” sa saiya. (Efeso 5:22, 33) Dawa kun an saiyang agom dai nin pagtubod, an babae kaipuhan na “magpasakop” sa saiya. (1 Pedro 3:1) Ipinaheheling kan Kristiana an pagpapasakop na ini bilang agom paagi sa pagsuportar sa saiyang agom sa mga ginigibo niang desisyon basta ini dai kontra sa mga pagboot nin Dios. (Gibo 5:29) Asin taano ta inaako nia an katongdan na ini? Bako sanang huli ta namomotan nia an saiyang agom na lalaki kundi nangorogna huli ta minimidbid nia na iyan “nakapaoogma sa Kagurangnan”—an boot sabihon, iyan an areglo nin Dios para sa pamilya. (Colosas 3:18) An boluntad niang pagpasakop sa saiyang agom kun siring sarong kapahayagan kan saiyang diosnon na debosyon.

“Sa Katuyohan na Ini na Ako Napadigdi”

15. Sa anong lataw na paagi si Jesus nagpaheling nin diosnon na debosyon

¹⁵ An saro sa lataw na mga paagi na ipinaheling ni Jesus an diosnon na debosyon iyo an ‘pagpahayag kan maogmang bareta kan kahadean nin Dios.’ (Lucas 4:43) Pakalihis kan saiyang bautismo sa Jordan kan 29 C.E., ginamit ni Jesus an suminunod na tolo may kabangang taon sa pagigin sibot-sibot sa pinakamahalagang gibohon na ini. “Sa katuyohan na ini na ako napadigdi,” an paliwanag nia. (Marcos 1:38; Juan 18:37) Alagad paano ini nagin kapahayagan kan saiyang diosnon na debosyon?

16, 17. (a) Ano an nagmotibar ki Jesus na magin sibot-sibot sa paghuhulit asin pagtotokdo? (b) Taano an ministeryo ni Jesus na paghuhulit asin pagtotokdo ta kapahayagan kan saiyang diosnon na debosyon?

¹⁶ Girumdoma na kalabot sa diosnon na debosyon an pamumuhay sa paagi na ikinaoogma nin Dios huli ta kamo namomoot sa saiya asin nag-aapresyar na gayo sa saiyang nakadadagkang mga kuwalidad. Kun siring, ano an nagmotibar ki Jesus na gamiton an ultimo niang mga taon sa daga sa pagigin sibot-sibot sa paghuhulit asin pagtotokdo? An pakamate sana daw nin paninimbagan o obligasyon? Daing duwa-duwa na sia may pagmakolog sa mga tawo. (Mateo 9:35, 36) Asin biyo niang aram na an paglahid sa saiya kan banal na espiritu nagnombra asin nagsugo sa saiya na otobon an saiyang ministeryo. (Lucas 4:16-21) Pero, mas hararom pa dian an saiyang motibo.

¹⁷ “Ako namomoot sa Ama,” maliwanag na isinabi ni Jesus sa saiyang mga apostol kan ultimong banggi kan saiyang buhay sa daga. (Juan 14:31) An pagkamoot na iyan basado sahararomon, haranihon na pakaaram sa mga kuwalidad ni Jehova. (Lucas 10:22) Pinahihiro nin puso na napukaw nin hararom na pag-apresyar, ikinawili ni Jesus an pag-otob kan kabotan nin Dios. (Salmo 40:8) Idto saiyang “kakanon”—kaipuhan na gayo tanganing mabuhay, masiramon. (Juan 4:34) Itinao nia an sangkap na halimbawa sa ‘paghanap nguna sa kahadean’ imbes na enoton an sadiri. (Mateo 6:33) Kay, bako sanang an saiyang ginibo o kun gurano an saiyang nagibo kundi kun taano ta ginibo nia iyan an nagpangyari sa saiyang ministeryo nin paghuhulit asin pagtotokdo na magin kapahayagan kan saiyang diosnon na debosyon.

18. Taano an pagkaigwa nin kadikit na kabtang ministeryo ta bako man na perming kapahayagan ni diosnon na debosyon?

¹⁸ Paano niato maaarog an halimbawa kan “padara,” si Jesus, sa bagay na ini? (1 Pedro 2:21) An gabos na umako kan pangagda ni Jesus na “madia sumunod ka sa sako” nag-aako kan banal na sugo na ihulit an maogmang bareta kan Kahadean asin gumibo nin mga disipulo. (Lucas 18:22; Mateo 24:14; 28:19, 20) Ini daw nangangahulogan na paagi sa kadikit na pakikikabtang sa pagpahayag kan maogmang bareta, kita nagsusunod na sa diosnon na debosyon? Dai man. Kun kita makikikabtang sa ministeryo sa daing interes o paramas sanang paagi, o tangani sanang mapaoyonan an mga kaiba sa pamilya o an iba, dai iyan ikabibilang na ‘gibo nin diosnon na debosyon.’—2 Pedro 3:11.

19. (a) Ano an dapat na pangenot na dahelan kan satong gmigibo sa ministeryo? (b) Ano an ibinubunga kun an nagmomotibar sato hararom an gamot na pagkamoot sa Dios?

¹⁹ Kapareho ni Jesus, kaipuhan na mas hararom an satong motibo. Sabi ni Jesus: “Mamotan mo si Jehova na saimong Dios sa bilog mong puso [an mga emosyon, an mga kamawotan, asin an saboot kan panlaog na persona] asin sa bilog mong kalag [an saindong buhay asin bilog na pagkatawo] asin sa bilog mong isip [an saindong intelektuwal na mga kakayahan] Patin sa bilog mong kosog.” Digdi, idinugang nin sarong mapagmansay na eskriba: “Ini . . . orog no mahalaga kisa gabos na dolot na tinotong asin mga atang.” (Marcos 12:30, 33, 34) Kaya an mahalaga bako sanang an satong ginigibo kundi siring man kun taano ta ginigibo niato iyan. An hararom an gamot na pagkamoot sa Dios na dian kalabot an gabos na kabtang kan satong buhay dapat na iyo an pangenot na dahelan kan satong ginigibo sa ministeryo. Kun siring, dai kita makokontento sa paramas sanang kabtang, kundi mapahihiro kitang ipaheling an rarom kan satong diosnon na debosyon paagi sa paggibo kan bilog niatong makakaya. (2 Timoteo 2:15) Kadungan kaiyan, kun an motibo niato pagkamoot sa Dios, dai kita magigin mapagtatsar, na ikinokomparar an satong ministeryo sa iba.—Galacia 6:4.

20. Paano kita lubos na makikinabang sa halimbawa ni Jesus sa pagsunod sa diosnon na debosyon?

²⁰ Kanigoan an pasasalamat niato na ihinayag sa sato ni Jehova an banal na hilom nin diosnon na debosyon! Paagi sa maingat na pag-adal sa mga isinabi asin ginibo ni Jesus asin sa paghihingoa na arogon sia, matatabangan kita na kapwa magkultibar asin magpaheling nin orog na diosnon na debosyon. Bebendisyonan kita nin nagsosopay ni Jehova mantang inaarog niato an halimbawa ni Jesus sa pagsunod sa diosnon na debosyon bilang nagdusay, nabautismohan na mga Kristiano.​—1 Timoteo 4:7, 8.

[Mga Nota sa Ibaba]

Nagigirumdoman daw Nindo?

◻ Sa pagsunod sa diosnon na debosyon, taano ta maninigo niatong horophoropon an halimbawa ni Jesus?

◻ Ano an nanonodan niato manongod ki Jehova sa init asin hararom na pagmate na ipinaheling ni Jesus?

◻ Paano kita makapagpapaheling nin diosnon na debosyon sa mga kaiba sa pamilya?

◻ Ano an kaipuhan na magin motibo niato tanganing an satong ministeryo magin kapahayagan nin diosnon na debosyon?

[Ritrato sa pahina 21]

An Kristianong ama may paninimbagan na sustentohan an saiyang pamilya sa materyal, emosyonal, asin espirituwal

[Ritrato sa pahina 23]

“Alagad kun an siisay man na balo igwa nin mga aki o makoapo, pabayaan nguna an mga ini . . . na magbalos sa saindang mga magurang asin apoon.”