Watchtower ONLINE NA LIBRARYA

“Daing Takot na Ipinahayag an Mensahe Paagi sa Awtoridad na Hali ki Jehova”

‘Lubos na Magpatotoo Mapadapit sa Kahadian nin Diyos’
- 8. Taano ta naghali sa Iconio si Pablo asin Bernabe, asin anong leksiyon an manunudan ta sa halimbawa ninda?
  
  ⁸ Kan huri, pinagplanuhan kan mga nagkokontra sa Iconio na gapuon si Pablo asin Bernabe. Kan maaraman iyan kan duwang misyonerong ini, nagdesisyon sindang magbalyo sa ibang teritoryo para diyan magpatotoo. (Gibo 14:5-7) Kaagid kaiyan, minahiro man na may kadunungan an mga parabalangibog kan Kahadian sa ngunyan. Pag napapaatubang kita sa berbal na mga pag-atake, nagtataram kita nin daing takot. (Fil. 1:7; 1 Ped. 3:13-15) Pero pag may huma nin kadahasan, linilikayan tang gumibo nin mangmang na mga bagay na magsasapeligro sa buhay ta o sa buhay kan satong mga kapagtubod.—Tal. 22:3.

“Daing Takot na Ipinahayag an Mensahe Paagi sa Awtoridad na Hali ki Jehova”

‘Lubos na Magpatotoo Mapadapit sa Kahadian nin Diyos’
- An Iconio namumugtak sa may linderos na nagsusuway sa Licaonia asin Frigia, mga rehiyon sa Galacia. May nagkapirang parasurat, kaiba na si Cicero asin Strabo, na inapod an Iconio na sarong siyudad kan Licaonia, asin kun hihilingon sa mapa, nakalaog man nanggad an siyudad na ini sa rehiyon na iyan. Alagad, sa pagkasaysay kan Mga Gibo, dai iiniba an Iconio sa mga siyudad kan Licaonia, mga siyudad na kun sain “lengguwahe kan Licaonia” an tinataram. (Gibo 14:1-6, 11) Huli kaini, sinasabi kan mga kritiko na sala an libro nin Mga Gibo. Pero kan 1910, nakakua sa siyudad an mga arkeologo nin mga inskripsiyon na nagpapahiling na lengguwahe kan Frigia an ginagamit sa Iconio sa laog nin duwang siglo pagkatapos kan pagdalaw ni Pablo asin Bernabe. Kaya tama an kagsurat kan Mga Gibo na dai niya iiniba an Iconio sa mga siyudad kan Licaonia.