LEKSIYON 48
Magin Maingat sa Pagpili nin mga Amigo
An dayupot na mga amigo nakakadagdag sa kaugmahan niyato pag nasa marahay kitang kamugtakan, asin pinapakusog kita ninda pag nasa masakit kitang kamugtakan. Pero pinapatanidan kita kan Bibliya na bako gabos marahay na amigo. Kaya paano ka makakapili nin marahay na mga amigo? Pag-isipan an minasunod na mga hapot.
1. Paano ka puwedeng maimpluwensiyahan kan mga amigong pinipili mo?
Sa parati, naaarog ta an mga tawo na pirmi tang kaiba-iba. Puwede sindang magin marahay o maraot na impluwensiya, nakakaibanan ta man sinda sa personal o sa social media. Sinasabi kan Bibliya, “an saro na naglalakaw kaiba kan mga madunong magigin madunong, pero an saro na nakikiiba-iba sa mga mangmang [mga dai namumuot ki Jehova] mapapahamak.” (Talinhaga 13:20) Kun an saimong mga amigo namumuot asin nagsasamba ki Jehova, matatabangan ka ninda na pirming magin harani sa saiya saka gumibo nin marahay na mga desisyon. Pero kun an satong dayupot na mga amigo dai namumuot ki Jehova, puwedeng magin dahilan iyan na maparayo kita sa Saiya. Iyan an dahilan kaya dinadagka kita kan Bibliya na magin maingat sa pagpili nin mga amigo! Pag an satong mga amigo namumuot sa Diyos, nakikinabang kita pati man sinda. Nagigibo tang “padagos na pakusugon asin parigunon an lambang saro.”—1 Tesalonica 5:11.
2. Ano an epekto ki Jehova kan mga amigong pinipili mo?
Maingat si Jehova sa pagpili nin mga amigo. “Dayupot Siyang nakikipag-amigo sa mga matanos.” (Talinhaga 3:32) Ano daw an mamamati ni Jehova kun an mga amigong pinipili ta dai namumuot sa saiya? Mamumundo nanggad siya! (Basahon an Santiago 4:4.) Sa ibong na lado, mauugma si Jehova asin gugustuhon niya na magin amigo kita kun rarayuan ta an maraot na mga pag-iriba asin kun magigin harani kita sa saiya saka sa mga namumuot sa saiya.—Salmo 15:1-4.
ARAMON PA
Aramon kun taano ta mahalagang marhay na magin maingat kita sa pagpili nin mga amigo, asin aramon kun paano ka magkakaigwa nin mga amigo na magigin marahay na impluwensiya sa saimo.
3. Lumikay sa maraot na mga pag-iriba
Maraot na mga pag-iriba an mga tawo na dai namumuot sa Diyos asin dai nagpapahalaga sa mga pamantayan niya. I-play an VIDEO, dangan pag-ulayan an hapot.
Paano puwedeng mangyari na nakikipag-amigo na palan kita sa maraot na mga pag-iriba?
Basahon an 1 Corinto 15:33, dangan pag-ulayan an mga hapot na ini:
Sairisay an maibibilang na maraot na mga pag-iriba? Taano?
Basahon an Salmo 119:63, dangan pag-ulayan an hapot na ini:
Ano an dapat na hanapon mo sa sarong amigo?
An sarong lapang mansanas puwedeng makaraot sa iba pang mansanas. Paano an sarong maraot na amigo puwedeng makaimpluwensiya sa saimo?
4. Puwedeng magin marahay na amigo dawa an mga tawo na ibang-iba sa sato
May sinasabi an Bibliya manungod ki David asin Jonathan kan suanoy na Israel. Matuang marhay si Jonathan ki David saka magkalain na marhay an kamugtakan ninda sa buhay; pero, kahanga-hanga an pagigin mag-amigo ninda. Basahon an 1 Samuel 18:1, dangan pag-ulayan an hapot na ini:
Taano ta puwede man kitang makipag-amigo dawa sa mga bako tang kaedad o kapareho nin kamugtakan sa buhay?
Basahon an Roma 1:11, 12, dangan pag-ulayan an hapot na ini:
Paano puwedeng magpakinurusog-kusugan an mga mag-aramigo na namumuot ki Jehova?
Sa videong ini, aramon kun paano nagkaigwa nin marahay na amigo an sarong hoben na brother. I-play an VIDEO, dangan pag-ulayan an mga hapot.
Sa video, taano ta nahadit an mga magurang ni Akil sa mga nagigin amigo niya sa eskuwelahan?
Kan primero, taano ta nagustuhan niyang makipag-amigo sa sainda?
Ano an nakatabang sa saiya para dai na mamundo?
5. Kun paano magkakaigwa nin marahay na mga amigo asin magigin dayupot sa sainda
Aramon kun paano makakahanap nin tunay na mga amigo—asin kun paano ka man magigin sarong tunay na amigo. I-play an VIDEO.
Basahon an Talinhaga 18:24 asin 27:17, dangan pag-ulayan an mga hapot na ini:
Paano nagtitinarabangan an tunay na mag-aramigo?
May mga amigo ka daw na arog kaiyan? Kun mayo, ano an puwede mong gibuhon para magkaigwa nin marahay na mga amigo?
Basahon an Filipos 2:4, dangan pag-ulayan an hapot na ini:
Tanganing magkaigwa nin marahay na mga amigo, dapat na ika mismo magin sarong marahay na amigo. Paano mo maipapahiling na saro kang marahay na amigo?
Para magkaigwa nin marahay na mga amigo, dapat na ika mismo magin sarong marahay na amigo
MAY MGA NAGSASABI: “Bakong mahalaga kun ano an paniniwala kan amigo mo, an mahalaga maray siya saimo.”
Ano an sasabihon mo?
SUMARYO
Pag maingat kita sa pagpili nin mga amigo, napapaugma ta si Jehova asin nakikinabang kita.
Rebyu
Taano ta mahalaga ki Jehova kun siisay an pinipili tang mga amigo?
Anong klaseng pakikiamigo an dapat tang likayan?
Paano ka magkakaigwa nin marahay na mga amigo asin magigin dayupot sa sainda?
HILINGON MAN
Aramon kun paano ka matatabangan kan marahay na mga amigo sa mga panahon nin kasakitan.
Aramon kun ano an mga puwede mong gibuhon para magkaigwa nin marahay na mga amigo.
Ano an dapat mong maaraman sa pakikipag-amigo online?
Sa istorya na “Gustong-Gusto Kong Magkaigwa nin Ama,” aramon kun ano an nakapahiro sa sarong lalaki na pag-isipan giraray kun siisay an pinipili niyang mga amigo.
“Binago kan Biblia an Saindang Buhay” (An Torrengbantayan, Abril-Hunyo 2012)