• Ano an Makakatabang Saimo Para Padagos na Mag-adal nin Bibliya?
    Mabuhay nin Maugma Sagkod Pa Man!—Interactive na Pag-adal sa Bibliya

    • 4. Magin priyoridad an pag-adal nin Bibliya

      Kun minsan sibot-sibot kita na garo baga mayo na kitang oras para mag-adal nin Bibliya. Ano an makakatabang? Basahon an Filipos 1:10, dangan pag-ulayan an mga hapot na ini:

      • Ano sa hiling mo an pira sa “mas importanteng mga bagay” sa buhay?

      • Ano an magigibo mo para magin priyoridad mo an pag-adal nin Bibliya?

      A. Collage: Ilustrasyon kun paano papanuon nin mga gapo saka baybay an sarong balde. 1. Sarong tambak nin baybay saka darakulang gapo. 2. Sarong balde na haros mapano na nin baybay. 3. Darakulang gapo na nasa ibabaw kan baybay pero an ibang gapo dai na igo sa balde. B. Collage: 1. An iyo man sanang tambak nin baybay saka darakulang gapo. 2. An iyo man sanang balde na haros mapano na nin darakulang gapo. 3. Nagkaigo sa balde an darakulang gapo saka an haros gabos na baybay. May dikit na sobrang baybay sa luwas kan balde.

      1. Kun iinuton mong ilaag an baybay sa balde dangan isusunod mo an mga gapo, dai na magkakaigo an ibang gapo

      2. Kun iinuton mo an mga gapo, mailalaag mo an haros gabos na baybay. Kun iinuton mo man sa saimong buhay “an mas importanteng mga bagay,” matatapos mo an mga iyan saka may oras ka pa para sa ibang mga bagay

      Paagi sa pag-adal nin Bibliya, napapaniguan ta an satong espirituwal na pangangaipo—an pangangaipo na mamidbid asin magsamba sa Diyos. Basahon an Mateo 5:3, dangan pag-ulayan an hapot na ini:

      • Paano kita nakikinabang pag ginigibo tang priyoridad an pag-adal nin Bibliya?