Amalumbo

143 Mwe Yehova, umfweni ipepo lyandi;+

Kutikeni ku kupapaata kwandi.+

Njasukeni ukulingana ne cishinka cenu no bulungami bwenu.+

 2 Kabili mwipingula umubomfi wenu;+

Pantu tapali uwa mweo nangu umo uwingaba uwalungama ku cinso cenu.+

 3 Pantu umulwani afwaya umweo wandi;+

Ashonawila umweo wandi pa nshi.+

Anenga ukwikala umwafiita nga bantu abafwa umuyayaya.+

 4 Kabili umupashi+ wandi uuli muli ine wanaka;

Umutima wandi mu nda watalala.+

 5 Nga naibukisha inshiku sha ku kale;+

Ntontonkanya pa micitile yenu yonse;+

Nabika umutima wandi pa fyo iminwe yenu yacitile.+

 6 Nafungulwila amaboko yandi kuli imwe;+

Umutima wandi wamufwaisha nge mpanga ya cilaka.+ Seʹlah.

 7 Shi angufyanyeni, njasukeni, mwe Yehova.+

Umupashi wandi wafika ku mpela.+

Mwifisa icinso cenu kuli ine,+

Epali naba nga batentemukila ku nindi.+

 8 Munenge ukumfwa icikuuku cenu ulucelo,+

Pantu ni mwe natetekela.+

Nengeni ukwishiba inshila iyo mfwile ukwendamo,+

Pantu kuli imwe e ko nalosha umweo wandi.+

 9 Mpokololeni ku balwani bandi, mwe Yehova.+

Nauba muli imwe.+

10 Nsambilisheni ukucita ukufwaya kwenu,+

Pantu ni mwe Lesa wandi.+

Umupashi wenu usuma;+

Lekeni untungulule mu calo ca balungami.+

11 Pa mulandu we shina lyenu,+ mwe Yehova, sungeni umweo wandi.+

Mu bulungami+ bwenu, fumyeni umweo wandi ku bucushi.+

12 Kabili mu luse lwenu mupeshe abalwani bandi;+

No kulofya bonse abalungulusha umweo wandi,+

Pantu ndi mubomfi wenu.+