Ku ng’omba nkalamba. “Mwionaula.” Ulwa kwa Davidi. Miktamu. Ilyo Shauli atumine aba kuyalinda ing’anda pa kuti bamwipaye.+
59 Mpokololeni ku balwani bandi, mwe Lesa wandi;+
Ncingilileni ku bantu abanjimina.+
2 Mpokololeni ku ncitatubi,+
Na ku bantu ba milopa mpususheniko.
3 Pantu moneni! balaalilila umweo wandi;+
Abakosa banjimina,+
Te pa bupulumushi bwandi, nelyo pa lubembu lwandi, mwe Yehova.+
4 Nelyo ca kuti ubupulumushi tapali, balabutuka no kuiteyanya.+
Buukeni ilyo naita kabili moneni.+
5 Kabili imwe, mwe Yehova Lesa wa mabumba, ni mwe Lesa wa kwa Israele.+
Shibukeni no kulolesha pa nko shonse.+
Mwibelela uluse bashikamfutu bonse ababipa.+ Seʹlah.
6 Babwela icungulo;+
Babosa nge mbwa+ no kushingauka umusumba.+
7 Moneni! Balebwabwata ku tunwa twabo;+
Bapanga bali pa milomo yabo,+
Pantu nani uuleumfwa?+
8 Lelo imwe mwe Yehova, mukabaseka;+
Mukapumye nko shonse.+
9 Mwe Maka yandi, kuli imwe nkatwalilila ukulola;+
Pantu Lesa cubo candi.+
10 Lesa uwa cikuuku kuli ine e ukansengela;+
Lesa akanenga ukulolesha pa balwani bandi.+
11 Mwibepaya, pa kuti abantu bandi belaba.+
Ku maka yenu balengeni balulumbe,+
Kabili beshisheni pa nshi, mwe Yehova inkwela yesu,+
12 Pa mulandu wa lubembu lwa tunwa twabo, amashiwi ya pa milomo yabo;+
Kabili shi nabekatwe mu cilumba cabo,+
Na pa kutiipa no bufi ubo bapangila libela.
13 Balofyeni ku bukali bwenu;+
Balofyeni, pa kuti bebapo;
Kabili shi nabeshibe ukuti Lesa e uteka muli Yakobo ukufika na ku mpela sha pano isonde.+ Seʹlah.
14 Kabili lekeni babwele icungulo;
Lekeni babose nge mbwa no kushingauko musumba.+
15 Balekeni balulumbe ku kufwaya ifya kulya,+
Mwileka bekute kabili mwileka bakwate ukwa kulaala.+
16 Lelo ine, nkemba pa lwa maka yenu,+
Kabili ulucelo nkalondolola pa cikuuku cenu mu nsansa.+
Pantu muli cubo candi+
Kabili ukwa kufulumukila mu bushiku bwa kupelelwa.+
17 Mwe Maka yandi, nkamulumbanishisha pa cilimba,+
Pantu Lesa e cubo candi, ni Lesa uwaba ne cikuuku kuli ine.+