Amalumbo

60 Mwe Lesa, mwatupoosa, mwatonaula,+

Mwakalipa. Mutubweshe ifyo twali.+

 2 Mwalenga isonde ukutenta, mwalilepula.+

Maseni mu milale ya liko, pantu nalitenta.+

 3 Mwalenga abantu benu ukucula.+

Mwalenga twanwa umwangashi na o watukola.+

 4 Mwapeela icishibilo ku bamutiina+

Pa kuti bafulumuke ukufulumuka kwa kuti baya uku kabili babwelela uku pa mulandu wa kutiina ubuta. Seʹlah.

 5 Pa kuti abatemwikwa benu bapokololwe,+

Pususheni ku kuboko kwenu ukwa ku kulyo no kutwasuka.+

 6 Lesa nasosa muli bumushilo bwakwe ati:+

“Nkaanga, kabili Shekemu+ e o nkakupeela;

Kabili nkapima ilungu lya Sukote.+

 7 Gileadi wandi na Manase wandi,+

Na Efraimu mwa kuuba intungulushi yandi;

Yuda ni nkonto yandi nga ilya iikwata umukalamba wa bashilika.+

 8 Moabu musambilo wandi.+

Pali Edomu e po nkapoosa indyato yandi.+

Pali Pelishiti e po nkawelesha ukuwelesha kwa kucimfya.”+

 9 Nani akantwala ku musumba uwashingwa?+

Nani akantungulula ukufika ku Edomu?+

10 Bushe te imwe, mwe Lesa, uwatulekelesha+

Mwe Lesa uushifumina pamo na bashilika besu?+

11 Twilululeniko ku kucula,+

Pantu kwa fye ukupususha kwa muntunse.+

12 Muli Lesa e mo tukabela na maka,+

Na o akanyantaula abalwani besu.+