Amalumbo
Ulwimbo lwa kwa Davidi. Maskili.*
32 Wa nsansa umuntu uo baeleela icilubo cakwe, uo bafimba pa lubembu lwakwe.*+
3 Ilyo naikele tondolo, amafupa yandi yalipomponteke pantu nalisakamikwe* akasuba konse.+
4 Pantu akasuba no bushiku ukuboko kwenu* ukwafina kwali pali ine.+
Amaka yandi yalikamine,* nga filya amenshi yakama mu nshita ya lusuba. (Selah)
Natile: “Nalayebelela imembu shandi kuli Yehova.”+
Na imwe mwalinjelela imembu.+ (Selah)
Lyena amafya ayaba nge lyeshi, tayakamusange.
Mukalenga ukusekelela kukanshinguluke ilyo mukampususha.+ (Selah)
8 “Nkakufunda kabili nkakulanga inshila iyo ufwile ukwendamo.+
Nkakupanda amano kabili amenso yandi yakaba pali iwe.+
9 Mwiba nga kabalwe nelyo imfalashi, inama ishishiiluka,+
Isho babikako umukobelo nelyo isho bakakila intambo
Pa kuti bashitungulule.”
11 Sekeleleni pa mulandu wa fyo Yehova acita, kabili sansamukeni mwe balungama;
Auleni utupundu imwe bonse mwe bakaele.