Yehova ni Lesa wa Mutende

1. Lesa wa kutemwa,

Tulelombo mupashi

Wa kutwafwa ukukwata

Umutende mwalaya.

Icitetekelo

Twakwata muli Yesu,

E calenga ukutila

Tube fibusa fyenu.

2. Tulatasha nga nshi

Mulatusambilisha

Ukubomfye Cebo cenu;

Cilatucingilila.

Umupashi wenu

Nauletwafwa lyonse,

Mpaka fye mwi sonde lyonse

Mukabe umutende.

3. Ababomfi benu

Balabombela pamo.

Umupashi ulatwafwo

Kubile mbila nsuma.

Ubufumu bwenu

Bwalapwisha inkondo;

Pano calo pakashala

Abantu ba mutende.