Ukupituluka mu Cipande 1
Lanshanyeni amepusho yakonkapo na bamusambilisha:
Malayo nshi ayaba mu Baibo ayo mwatemwa sana?
(Moneni Isambililo 02.)
Cinshi calenga mucetekele ukutila Baibo Cebo ca kwa Lesa?
(Moneni Isambililo 03 na 05.)
Mulandu nshi cacindamina ukulabomfya ishina lya kwa Lesa ilya kuti Yehova?
(Moneni Isambililo 04.)
Baibo itila Lesa e “ntulo ya mweo.” (Amalumbo 36:9) Bushe mwalicetekela ifi Baibo ilanda?
(Moneni Isambililo 06.)
Belengeni Amapinda 3:32.
Cinshi twingalandila ukuti Yehova e Cibusa umusuma sana uo twingakwata?
Finshi Yehova enekela ifibusa fyakwe ukulacita? Bushe mulemona ukuti ifibusa fyakwe kuti bakumanisha ukucita ifyo abenekela?
(Moneni Isambililo 07 na 08.)
Belengeni Amalumbo 62:8.
Fintu nshi fimo ifyo mwapepelapo kuli Yehova? Finshi na fimbi ifyo mwingapepelapo?
Bushe Yehova asuka shani amapepo?
(Moneni Isambililo 09.)
7. Belengeni AbaHebere 10:24, 25.
Kuti mwanonkelamo shani nga mulesangwa ku kulongana kwa Nte sha kwa Yehova?
Bushe mulemona ukutila ukusangwa kuli uku kulongana kwalicindama?
(Moneni Isambililo 10.)
Mulandu nshi cawamina ukulabelenga Baibo lyonse? Bushe mwatantika shani ukulabelenga Baibo cila bushiku?
(Moneni Isambililo 11.)
Finshi mutemenwe sana pa fyo musambilile mu Baibo ukufika pali ino nshita?
Mafya nshi mwakwatapo ukufuma apo mwatendekela ukusambilila Baibo? Cinshi cingamwafwa ukutwalilila ukusambilila Baibo?
(Moneni Isambililo 12.)