Bushe Kuti Wasengela Ukutandala?

Umo uwa Nte sha kwa Yehova kuti atemwa ukukutandalila no kukwaafwa ukwingilishako ukwishiba kobe pa lwa kwa Lesa, Ubufumu bwakwe, ne mifwaile yakwe nga fintu yalembwa muli Baibolo. Tuli abashininkisha ukuti ifi fyebo fikakwaafwa, pantu fikapayanya ifyasuko fyashintililwapo ku mpika isho bonse aba ifwe tulolenkene na sho ilelo. Inte sha kwa Yehova bapayanya ukukansha kwa muli Baibolo ukwa muntu umo ne bumba ukwabulo kulipilisha.

E co nga ca kuti kuti watemwa ukukwata umuntu wafikapo ukukutandalila mu ŋanda mu mobe, nelyo pa cifulo cimbi icalinga, tukaba aba nsansa ukutantika kwene. Ukafwilishiwa ku kusanga te fyasuko fye ku fipusho fya mu Baibolo lelo na kabili ifyasuko ku mpika isho ishingapikululwa pa kubomfya ifishinte fya muli Baibolo. Ukuisuminisha we mwine kuli uyu mulimo, isushisha fye no kutuma akapepala.

(Ku nse ya Zambia, lembela ku musambo wa mu mwenu uwa Watch Tower ku fyebo. Moneni ibula 2.)