Pa Mulungu, April 19
Umutima obe nga waba na mano, lyena umutima wandi ukasekelela.—Amapi. 23:15.
Pa nshita umutumwa Yohane alelemba kalata yalenga butatu, abantu bamo balesambilisha ifya bufi kabili balelenga mu cilonganino muleba amalekano. Lelo bamo balitwalilile ‘ukulaenda mu cine.’ Baleumfwila Yehova kabili balecita ifintu “ukulingana na mafunde yakwe.” (2 Yoh. 4, 6) Aba Abena Kristu aba cishinka balilengele Yohane na Yehova baba ne nsansa sana. (Amapi. 27:11) Finshi tulesambililako? Nga tuli aba cishinka kuli Yehova, tulaba ne nsansa. (1 Yoh. 5:3) Ku ca kumwenako, tulasekelela pantu tuleshiba ukuti tulelenga Yehova aleba ne nsansa. Yehova alasekelela nga tatulecita ifyabipa kabili nga tulekonka amafunde yakwe. Bamalaika mu muulu nabo balasekelela. (Luka 15:10) Na ifwe bene tulaba ne nsansa nga twamona bamunyinefwe na bankashi baletwalilila aba cishinka. (2 Tes. 1:4) Kabili na lintu cino calo ca kwa Satana cikonaulwa, tukaba ne nsansa pantu ninshi twalitwalilila ukuba aba cishinka kuli Yehova. w24.11 ibu. 12 amapara. 17-18
APRIL 13-19
ESAYA 52-53
Ulwimbo 18 ne Pepo | Amashiwi ya Kutendekelapo (1 min.)
Yesu balemutwala mu kumwipaya
1. Yesu Alilangile Ukuti Alitemwa Sana Abantu!
(10 min.)
Esaya asobele ukuti Yesu bali no kumupata (Esa. 53:3; Mat. 26:67, 68; w10 11/15 ibu. 7 para. 2)
Yesu ali-itemenwe ukumucusha (Esa. 53:7; ip-2 ibu. 205 para. 25)
Ukutemwa e kwalengele Yesu aitemenwe ukumucusha pa kuti acite ifyo Yehova alefwaya na pa kuti atulubule ku lubembu (Esa. 53:10-12; Yoh. 14:31; 15:13)
2. Ukufwayafwaya Icuma Icaba mu Cebo ca kwa Lesa
(10 min.)
Esa. 52:11 —Londololeni ifyo twingabomfya amashiwi yaba pali ili lembo. (it-E “Ifipe” para. 2)
Cuma nshi mwasangile ilyo mwalebelenga Baibo uno mulungu?
3. Ukubelenga Baibo
(4 min.) Esa. 53:3-12 (th isambililo 10)
4. Ifyo Mwingatendeka Ukulanshanya
(4 min.) KU NG’ANDA NE NG’ANDA. Bepusheni nga kuti batemwa ukulasambilila Baibo. (lmd isambililo 4 icishinka 4)
5. Ifyo Mwingatendeka Ukulanshanya
(3 min.) KU NG’ANDA NE NG’ANDA. Lanshanyeni no muntu icine icaba pa ifyebo fyalundwako A muli broshuwa itila Muletemwa Abantu. (lmd isambililo 3 icishinka 3)
6. Nga Mwabwelelako
(5 min.) KU NG’ANDA NE NG’ANDA. Ipusheni umuntu uwaishile ku Cibukisho nga kuti atemwa ukulasambilila Baibo. (lmd isambililo 8 icishinka 3)
Ulwimbo 20
7. Beni Cibusa wa kwa Yehova —Ifyo Lesa Alangile Ukuti Alitutemwa nga Nshi
(15 min.) Ukulanshanya.
Tambeni VIDIO. Lyena ipusheni ibumba ifi fipusho:
Cinshi twingalandila ukuti filya Yesu aitemenwe ukutufwila cali kwati atupeela ubupe?
Bushe kuti twalanga shani ukuti tulatasha pa cilubula?
8. Isambililo lya Baibo Ilya pa Cilonganino
(30 min.) rr icipa. 15 amapara. 18-23, icipa. 16 amapara. 1-8 na vidio