Bushe Muleibukisha?

Bushe mwalitontonkanyapo mu kusakamanishisha pali bamagazini ba Ulupungu lwa kwa Kalinda aba nomba line? Nga ni fyo, mwalaba aba buseko nga nshi ukwibukisha ifyakonkapo:

◻ Ni mu nshila nshi abaupana abengi ilelo baakonka ica kumwenako cishaiwamina icashile Akula na Priskila?

Akula na Priskila babombele mu filonganino fyafulilako ifyapusanapusana. Ukupala bene, Abena Kristu ba muno nshiku abengi baliipeela abene ukukuukila ukwaba ukubulisha kukalamba. Na bo bene balikumanya ubuseko no kwikushiwa ififuma mu kumona amabuseko ya Bufumu ukukula no kulundulula ifibusa fya Bwina Kristu ifyaumo mutengo.—12/15, ibula 24.

◻ Cinshi caba imimwene ya Baibolo pa lwa bwalwa?

Imimwene ya Baibolo iya bwalwa yaliba iyalinga. Lubali lumo, Baibolo isoso kuti umwangashi waba ca bupe ukufuma kuli Lesa. (Ilumbo 104:1, 15) Lubali lumbi, ilasenuka ukucishamo. (Luka 21:34; 1 Timote 3:8; Tito 2:3; 1 Petro 4:3)—12/15, ibula 27.

◻ Lubali nshi ulwacindamisha ulwe buuku lya kwa Hagai?

Nangu ca kuti mwi buuku lya kwa Hagai mwaba fye ifikomo 38, ishina lya kwa Lesa lyabomfiwa imiku 35. Mu busesemo bwa musango yo tamuba bupilibulo lintu ishina Yehova lyapyanikwapo kwi lumbo “Shikulu.”—1/1, ibula 6.

◻ Lisambililo nshi lingasambililwa ukufuma ku membu sha kwa Davidi na Manase?

Te mulandu na fintu Yehova alekelele Davidi na Manase, aba baume babili—na Israele wine—baali no kwikala ne fya kufumamo fya ncitilo shabo isha lubembu. (2 Samwele 12:11, 12; Yeremia 15:3-5) Mu nshila yapalako, ilintu Yehova ilelo alalekelela ababembu balapila, kuti pambi kwabako ifya kufumamo fya ncitilo shabo ifishingasengaukwa.—1/1, ibula 27.

◻ Ni mu nshila nshi ‘amakasa ya babile mbila nsuma’ iya Bufumu bwa kwa Lesa yabela “ayayemba”? (Esaya 52:7)

Cili makasa ayo mu cifyalilwa fye yensha umuntu ilyo aleya mu kushimikila kuli bambi. Amakasa ya musango yo mu cituntulu yemininako umuntu. E co abengi abomfwa no kwankulako bwino ku mbila nsuma iya Bufumu, amakasa ya nkombe sha musango yo mu cine cine yaliba ayayemba ukuyamona.—1/15, ibula 13.

◻ Mulimo nshi uwa mbali shibili uwabimbwamo mu ‘kubile mbila nsuma’? (1 Abena Korinti 9:16)

Intanshi, tufwile ukubilisha imbila nsuma iya Bufumu. Ulubali lwa bubili ulwa uyu mulimo lubimbamo ukusambilisha abalesumina Ubufumu bulebilishiwa.—1/15, ibula 23.

◻ Bunonshi nshi ubwa pa lwesu bufuma mu kwimba inyimbo sha Bufumu pa kulongana mu cilonganino?

Ukwimba kutupeela ishuko lya kulumbulula ifyo tuleyumfwa pa lwa kwa Kabumba wesu. (Ilumbo 149:1, 3) Lintu twapongolola umutima wesu onse mu kwimba kwa cilonganino, kuli no kutulenga ukuba no muntontonkanya no mutima usuma kuli programu ili no kukonkapo. Kuti kwatucincisha ukwingilishako imibombele yesu mu kupepa Yehova.—2/1, ibula 28.

◻ Ni lilali lintu ubushiku bwa kufwa buwamo kucilo bushiku bwa kufyalwa? (Lukala Milandu 7:1)

Ubushiku bwa kufwa kuti bwawamo kucilo bushiku bwa kufyalwa nga ca kuti ukufika pa nshita ya mfwa umuntu alipanga ishina lisuma na Yehova, uwingabuusha aba busumino abafwa. (Yohane 11:25)—2/15, ibula 12.

◻ Mulandu nshi ibuuku lya kwa Lukala Milandu lilingile ukutwaafwila ngo muntu umo umo?

Kuti lyaafwa ifwe umo umo ukulungika ifyo tumona ubumi na fintu tutontomeshapo. (Lukala Milandu 7:2; 2 Timote 3:16, 17)—2/15, ibula 16.

◻ Bushe Inte sha kwa Yehova ni bamunshalulwa?

Iyo. Nangu line balishininwa mu kukosa pa lwa mipepele, tababa ni bamunshalulwa mu nshila intu iyi numbwilo ibomfiwilwamo. Tabaalukila ku kwime bungwe na ku lukaakala ukulwisha abo bashisuminishanya na bo. Bapashanya Intungulushi yabo, Yesu Kristu.—3/1, ibula 6.

◻ Ukukanaishiba inshita ya kulungatika iyo Yesu akesa mu kuputunkanya icilandushi ca kwa Lesa kwambukila shani Abena Kristu?

Ici cilenga Abena Kristu ukuba abalola kabili cibapeela ishuko cila bushiku ilya kushininkisha ukuti te bukaitemwe ububakunta ukubombela Yehova.—3/1, ibula 13.

◻ Cinshi cintu tulingile ukulangulukapo ilyo tushilatwala munyina uutufinshishe ku cilye?

Tulingile ukulanguluka ifyo cingatwambukila, ifyo cingambukila bambi ababimbilwemo, ifyo cingambukila icilonganino, na ba ku nse. (1 Abena Korinti 6:7)—3/15, ibula 22.

◻ Ni shani fintu insansa sha cine cine shinganonkwa?

Insansa sha cine cine shaba mibele ya mutima, ukushimpwa pa citetekelo ca cine cine no kwampana kusuma na Yehova. (Mateo 5:3, NW)—3/15, ibula 23.

◻ Cinshi cintu Umwina Kristu alingile ukucita lintu aitwa ku kubomba umulimo wa bupingushi?

Umwina Kristu umo na umo uwalolenkana no mulimo wa bupingushi afwile ukupimununa ifya kucita, ukushimpwa pa fyo aumfwikisha Baibolo na kampingu wakwe umwine. (Abena Galatia 6:5)—4/1, ibula 29.