18 Ale Ebram i gohed blong stap long ol tent. Biaen hem i kam stap klosap long ol bigfala tri blong Mamre+ we i stap long Hebron,+ mo long ples ya, hem i wokem wan olta blong Jehova.+

13 Nao Josua i mekem olsem we Jehova i talem long hem. Hem i makemaot wan ples long graon blong ol laen blong Juda, mo i givim long Keleb+ boe blong Jefune. Ples ya hem i Hebron+ we fastaem hemia Kiriataba. Aba i papa blong Anak.

11 Oli givim Kiriataba+ (Aba hem i papa blong Anak) hemia Hebron+ wetem ol graon raonabaot long hem blong putum ol animol, i go long olgeta. Ples ya i stap long rijen blong ol hil long Juda. 12 Be ol open ples blong taon ya wetem ol vilej blong hem, oli givim long Keleb we i boe blong Jefune, blong hem i tekem i blong hem.+