2 Long namba 5 yia blong rul blong King Rehoboam, King Sisak+ blong Ijip i kam faet agensem Jerusalem, from we olgeta oli no bin holemstrong long Jehova. 3 Sisak i aot long Ijip mo i kam wetem 1,200 jariot, 60,000 soldia we oli ron long hos, mo ol soldia we oli plante we plante we man i no save kaontem. Olgeta ya oli blong Libia, Sukim, mo Itiopia.+ 4 Hem i holemtaet ol bigfala taon blong Juda we oli gat stonwol, mo biaen i kasem Jerusalem.