• Dutronome 4:34
    Baebol Long Niu Wol Translesen

    • 34 ?Olsem wanem? ?God i yusum jajmen* blong hem, ol saen, ol merikel,+ ol faet,+ strong han blong hem,+ paoa blong hem, mo ol samting blong fraet,+ blong tekemaot wan narafala nesen long medel blong ol narafala nesen, blong i kam nesen blong hem, olsem we yufala i luk God blong yufala Jehova i mekem long yufala, long Ijip?

  • Nehemaea 9:10
    Baebol Long Niu Wol Translesen

    • 10 Biaen yu mekem ol saen mo ol merikel blong agensem Fero wetem olgeta man blong wok blong hem mo olgeta evriwan long kantri blong hem,+ from we yu save se oli mekem samting we oli no gat raet blong mekem+ nao oli stap agensem ol man blong yu. Yu yu leftemap nem blong yu mo i stap olsem kam kasem tede.+

  • Aesea 63:12
    Baebol Long Niu Wol Translesen

    • 12 Hemia Man ya we i mekem strongfala han blong Hem i go wetem raethan blong Moses,+

      Mo Hem i seraotem wota long fored blong olgeta,+

      Blong mekem se hem i gat wan nem we bambae i stap olwe,+

  • Esikel 20:9
    Baebol Long Niu Wol Translesen

    • 9 Be mi mi mekem olsem from nem blong mi, blong nem ya i stap tabu long fored blong ol nesen we olgeta oli stap long hem.+ From we long fored blong ol nesen ya, mi mi mekem olgeta* oli save mi taem mi tekemaot olgeta* long kantri ya Ijip.+