8 Long taem ya, Solomon i singaot evri elda blong Isrel oli kam wanples,+ hemia olgeta we oli hed blong ol traeb, mo olgeta long Isrel we oli jif long haos blong papa blong olgeta.+ Olgeta oli kam luk King Solomon long Jerusalem, blong tekemaot bokis blong kontrak blong Jehova long Taon Blong Deved,+ hemia Saeon,+ mo karem i go antap. 2 Nao olgeta man Isrel oli kam wanples long fored blong King Solomon, long taem blong lafet* long manis Etanim,* we i namba 7 manis.+