3 Mo bambae hem i sidaon i stap olsem man blong klinim gol mo man blong klinim silva+ mo bambae i klinim ol boe blong Livae, mo bambae i mekem olgeta oli klia gud* olsem gol mo silva, mo bambae oli kam ol man blong Jehova, we oli stap givim ol ofring olsem presen i go long hem long stret fasin.

6 From samting ya, yufala i glad tumas nating se naoia yufala i mas harem nogud blong smoltaem long ol defdefren trabol.+ 7 Olgeta samting ya oli hapen blong soemaot se bilif blong yufala i strong olsem wanem,+ mo bilif we i strong, hem i gud moa i bitim gol we i save lus, nating se oli klinim* long faea. Bilif olsem i save mekem se ol narafala oli presem yufala, oli givim glori long yufala, mo oli ona long yufala taem ol samting oli soemaot klia se Jisas Kraes i kamtru.*+