20 Nao wantaem nomo, Moses mo Eron i mekem ol samting stret olsem we Jehova i talem. Eron i leftemap stik ya mo i kilim Nael Reva long fored blong Fero mo ol man blong hem, nao olgeta wota long ples ya i kam blad.+

6 Ale Eron i stretem stik blong hem antap long olgeta wota blong Ijip, nao ol frog oli stat blong kamkamaot mo oli kavremap olgeta ples long Ijip.

17 Nao tufala i mekem samting ya. Eron i stretem stik blong hem, mo i kilim das blong graon, nao olgeta das blong graon long Ijip oli kam moskito, nao ol moskito ya oli kam long ol man mo ol animol.+

6 Nao long nekis dei, Jehova i mekem samting ya, mo olgeta animol blong ol man Ijip oli ded,+ be i no gat wan animol blong ol man Isrel i ded.

10 Nao tufala i tekem ol asis ya we oli tekemaot long oven blong kukum brikis, mo tufala i go stanap long fored blong Fero. Nao Moses i sakem asis ya i go antap, mo i kam ol rabis boela we oli kamkamaot long ol man mo ol animol.

23 Ale Moses i stretem stik blong hem i go antap long heven, mo Jehova i sanem tanda, ol ston blong aes, mo faea* i kamdaon long wol. Mo Jehova i mekem se ol ston blong aes oli gohed blong folfoldaon long olgeta ples long Ijip.

12 Biaen Jehova i talem long Moses se: “Yu stretem han blong yu antap long olgeta ples long Ijip, blong ol lokis oli kam. Ol lokis ya bambae oli kam kavremap olgeta ples long Ijip, mo bambae oli kakae evri kakae we oli stap long ples ya, yes evri samting we ol ston blong aes oli no spolem.”

21 Biaen Jehova i talem long Moses se: “Yu leftemap han blong yu i go antap long heven, blong tudak i kam kavremap olgeta ples long Ijip. Tudak ya bambae i blak we i blak.”