• 2 Samuel 23:3, 4
    Baebol Long Niu Wol Translesen

    •  3 God blong Isrel i toktok,

      Bigfala ston blong Isrel+ i talem long mi se:

      ‘Taem man we i rulum ol man i gat stret fasin,+

      Mo i fraet long God taem i rul,+

       4 Hemia i olsem laet blong san we i saen long moning,+

      Wan moning we i no gat klaod.

      Hemia i olsem ples we i klia afta long ren,

      Mo i mekem gras i gru long graon.’+

  • 1 Korin 13:12
    Baebol Long Niu Wol Translesen

    • 12 Naoia yumi stap luk ol samting oli no klia,* i olsem we yumi stap lukluk olgeta long wan aean mira, be biaen bambae yumi luk olgeta klia nomo olsem we oli stap stret long fored blong yumi. Naoia save we mi mi gat, hem i haf nomo, be biaen bambae save blong mi i fulwan,* stret olsem we God i save gud mi.

  • 2 Korin 4:6
    Baebol Long Niu Wol Translesen

    • 6 God nao i talem se: “I gud laet i saenaot long tudak,”+ mo hem i mekem laet i kasem hat blong mifala blong mekem i saenaot.+ Laet ya hem i nambawan save blong God we mifala i luk long fes blong Kraes.

  • 2 Pita 1:19
    Baebol Long Niu Wol Translesen

    • 19 Taswe mifala i bilif strong long tok blong ol profet. Yufala i mekem gudfala samting taem yufala i tingting gud long toktok blong ol profet, olsem se i wan laet+ we i stap saen long ples we i tudak (gogo i brok delaet mo deista+ i kamaot) long hat blong yufala.