3 Isrel i lavem Josef moa i winim ol narafala boe blong hem,+ from we hem i gat pikinini ya taem hem i olfala. Mo hem i tekem wan longfala klos we i spesel mo i givim long Josef. 4 Be taem ol brata blong Josef oli luk we papa blong olgeta i lavem hem moa i winim olgeta, oli stat blong agensem Josef, mo oli no save toktok gud long hem.

8 Sol i kros tumas,+ mo hem i no glad long singsing ya, nao hem i talem se: “Oli leftemap Deved se hem i kilim plante taosen man, be mi, oli talem se mi kilim taosen man nomo. !Wan samting nomo we oli no mekem yet, hemia blong putumap hem i kam king!”+ 9 Nao stat long dei ya i go, Sol i stap tingting nogud long Deved.