30 “Taem yu stap long olgeta nesen we God blong yu Jehova i sanem yu yu go long hem,+ mo yu tingbaot olgeta tok ya,+ hemia ol blesing mo ol trabol we mi bin putum long fored blong yu,+ 2 nao yu wetem ol boe blong yu, yufala i kambak long Jehova we i God blong yu,+ long olgeta hat blong yufala mo olgeta sol* blong yufala, mo yufala i lesin long voes blong hem mo mekem olgeta samting we mi mi stap talem long yufala tede,+ 3 Jehova we i God blong yu bambae i sore long yu,+ i tekemaot yu long olgeta we oli holem yu,+ mo i tekem yu yu kambak. Bambae hem i tekemaot yu long ol ples we God blong yu Jehova i bin sanem yu yu go long hem, mo i mekem yufala i joen tugeta.+

20 Bambae oli tekem evri brata blong yufala long olgeta nesen,+ blong givim olgeta i go long Jehova olsem presen. Bambae oli karem olgeta long ol hos, long ol jariot, long ol kat we oli gat haos, long ol hafkas dongki, long ol kamel we oli spid, i go long bigfala hil blong mi we i tabu, hemia Jerusalem, stret olsem taem ol man Isrel oli karem ol presen blong olgeta long wan besin we i klin, i go insaed long haos blong Jehova.” Hemia nao tok blong Jehova.

24 ‘Bambae mi mi tekemaot yufala long ol nesen mo long olgeta kantri, mi tekem yufala i kam wanples mo tekem yufala i go long graon blong yufala.+

7 “Hemia samting we Jehova komanda blong ol ami i talem, i se: ‘Naoia mi stap sevem ol man blong mi we oli stap long ol kantri long is mo long wes.*+