20 Bambae oli tekem evri brata blong yufala long olgeta nesen,+ blong givim olgeta i go long Jehova olsem presen. Bambae oli karem olgeta long ol hos, long ol jariot, long ol kat we oli gat haos, long ol hafkas dongki, long ol kamel we oli spid, i go long bigfala hil blong mi we i tabu, hemia Jerusalem, stret olsem taem ol man Isrel oli karem ol presen blong olgeta long wan besin we i klin, i go insaed long haos blong Jehova.” Hemia nao tok blong Jehova.