• Ol Sam 20:5
    Baebol Long Niu Wol Translesen

    •  5 Bambae mifala i glad mo singsingaot from ol samting we yu mekem blong sevem man.+

      Bambae mifala i leftemap ol saen blong mifala, long nem blong God blong mifala.+

      I gud Jehova i mekem evri samting we yu askem.

  • Sefanaea 3:14, 15
    Baebol Long Niu Wol Translesen

    • 14 !O dota blong Saeon, yu singaot from glad!

      !O Isrel, yu singaot from yu win!+

      !O dota blong Jerusalem, yu mas glad mo yu harem gud long fulhat blong yu!+

      15 Jehova i tekemaot finis jajmen blong hem agensem yu.+

      Hem i mekem ol enemi blong yu oli gowe finis.+

      King blong Isrel, Jehova i stap wetem yu.+

      Bambae yu no moa fraet long trabol.+