11 Mo taem oli stap hivap raon long taon ya yet, King Nebukadnesa blong Babilon i kamtru long taon ya.

13 Biaen hem i tekemaot olgeta sas samting we oli stap long haos blong Jehova, mo long haos* blong king.+ Mo olgeta samting long gol we Solomon, king blong Isrel i bin wokem blong oli yusum long tempol blong Jehova,+ king blong Babilon i katkatem i go long smosmol pis. Samting ya i hapen stret olsem we Jehova i bin talemaot.

13 Mo ol samting we oli stap long haos blong Jehova, olsem tufala bigfala pos we oli wokem long kopa,+ ol kat,+ mo kopa Si+ we i stap long haos blong Jehova, ol ami blong Koldia oli brekem olgeta i go long ol smosmol pis mo oli karem ol kopa ya i go long Babilon.+

18 Evri samting we oli stap yusum long haos blong tru God, nating se oli bigwan no oli smol, mo ol sas samting we oli stap long haos blong Jehova, mo ol sas samting blong king wetem ol prins blong hem, hem i tekem evriwan i go long Babilon.+

1 Long namba 3 yia we King Jehoeakim+ i king blong Juda, King Nebukadnesa blong Babilon i kam long Jerusalem mo i putum ol soldia raon long taon ya.+ 2 Samtaem i pas, Jehova i putum King Jehoeakim blong Juda, wetem sam long ol samting long haos* blong tru God, long han blong King Nebukadnesa,+ nao hem i tekem olgeta i go long kantri ya Sina,*+ long haos* blong god blong hem. Hem i putum ol samting ya insaed long ples blong putum ol sas samting blong god blong hem.+