• Aesea 49:10
    Baebol Long Niu Wol Translesen

    • 10 Bambae oli no hanggri mo oli no tosta,+

      Mo hot blong san mo laet blong san bambae i no bonem olgeta.+

      From we Man we i sore long olgeta bambae i lidim olgeta,+

      Mo bambae i lidim olgeta oli pas long ol ples we i gat springwota.+

  • Esikel 34:15, 16
    Baebol Long Niu Wol Translesen

    • 15 “‘“Mi nao bambae mi fidim ol sipsip blong mi,+ mo mi nao bambae mi mekem oli ledaon,”+ hemia nao samting we Hae Masta Jehova i talem. 16 “Sipsip we i lus, bambae mi go lukaotem hem,+ mo sipsip we i lusum rod, bambae mi tekem hem i kambak, mo bambae mi putum bandej long sipsip we i kasem kil, mo sipsip we i slak bambae mi mekem hem i strong. Be bambae mi kilim i ded sipsip we i fatfat mo sipsip we i strong. Bambae mi fidim hem long ol jajmen.”