• Aesea 2:2, 3
    Baebol Long Niu Wol Translesen

    •  2 Long lashaf blong ol dei,*

      Bigfala hil blong haos blong Jehova,

      Bambae i stap strong antap long top blong ol bigfala hil,+

      Mo bambae hem i kam hae moa long ol narafala hil,

      Mo ol man blong narafala nesen bambae oli hip i go long hem.+

       3 Mo plante man bambae oli go, oli talem se:

      “Yufala i kam, i gud yumi go antap long bigfala hil blong Jehova,

      Yumi go long haos blong God blong Jekob.+

      Hem bambae i tijim yumi long ol fasin blong hem,

      Mo bambae yumi wokbaot long ol rod blong hem.”+

      From loa* bambae i kamaot long Saeon,

      Mo tok blong Jehova bambae i stap kamaot long Jerusalem.+

  • Aesea 56:6, 7
    Baebol Long Niu Wol Translesen

    •  6 Be ol man blong ol narafala kantri we oli kam joen wetem Jehova blong oli wok blong hem,

      Mo blong lavem nem blong Jehova+

      Mo blong kam ol wokman blong hem,

      Olgeta evriwan we oli kipim Sabat mo oli no sakem doti long hem

      Mo oli holemtaet kontrak blong mi,

       7 Bambae mi tekem olgeta tu i kam long bigfala hil blong mi we i tabu+

      Mo mi mekem olgeta oli glad insaed long haos blong prea blong mi.

      Bambae mi akseptem ol ofring we oli bon fulwan mo ol sakrefaes blong olgeta long olta blong mi.

      From we ol man bambae oli singaot haos blong mi se haos blong prea blong olgeta man.”+

  • Maeka 4:1, 2
    Baebol Long Niu Wol Translesen

    • 4 Long lashaf blong ol dei,*

      Bigfala hil blong haos blong Jehova+

      Bambae i stap strong antap long top blong ol bigfala hil,

      Mo bambae hem i kam hae moa long ol narafala hil,

      Mo ol man bambae oli hip i go long hem.+

       2 Mo plante nesen bambae oli go, oli talem se:

      “Yufala i kam, i gud yumi go antap long bigfala hil blong Jehova

      Mo yumi go long haos blong God blong Jekob.+

      Hem bambae i tijim yumi long ol fasin blong hem,

      Mo bambae yumi wokbaot long ol rod blong hem.”

      From loa* bambae i stap kamaot long Saeon,

      Mo tok blong Jehova bambae i stap kamaot long Jerusalem.

  • Sekaraea 2:11
    Baebol Long Niu Wol Translesen

    • 11 “Mo plante nesen bambae oli kam joen wetem Jehova long dei ya,+ mo bambae oli kam ol man blong mi, mo bambae mi mi stap long medel blong olgeta.” Mo bambae yu save se Jehova komanda blong ol ami nao i sanem mi mi kam long yu.

  • Sekaraea 8:22, 23
    Baebol Long Niu Wol Translesen

    • 22 Mo plante man mo ol strong nesen bambae oli kam blong lukaotem Jehova komanda blong ol ami long Jerusalem,+ mo blong oli plis long Jehova blong i kaen long olgeta.’*

      23 “Hemia samting we Jehova komanda blong ol ami i talem, i se: ‘Long ol dei ya, ten man we oli kamaot long olgeta lanwis blong ol nesen,+ bambae oli holemtaet, yes, bambae oli holemstrong klos* blong wan Jiu,* oli se: “Mifala i wantem go wetem yufala,+ from mifala i harem se God i stap wetem yufala.”’”+