17 Nao wan long ol seven enjel ya we oli holem ol seven dis,+ i kam talem long mi se: “Yu kam, bambae mi soemaot long yu jajmen blong bigfala prostitut ya we i stap sidaon long plante wota.+ 2 Olgeta king blong wol oli mekem enikaen doti fasin blong seks* wetem hem finis,+ mo olgeta man we oli stap long wol oli kam drong long waen blong hem, we i pija blong enikaen doti fasin blong seks* we hem i stap mekem.”+

3 Hemia from we olgeta nesen oli drong finis long waen blong hem, we hemia enikaen doti fasin blong seks* we hem i wantem tumas blong mekem.+ Mo ol king blong wol oli mekem enikaen doti fasin blong seks* wetem hem,+ mo ol bisnesman* blong wol oli kam rij from ol sas samting we woman ya i no sem blong hivimap.”