21 “‘Yufala i no mas givim* pikinini blong yufala long Molek.+ Yufala i no mas mekem nem blong God blong yufala i doti long fasin ya.+ Mi mi Jehova.

2 “Yu mas talem long ol laen blong Isrel se: ‘Sipos wan man Isrel o wan man blong narafala kantri we i stap long Isrel, i givim pikinini blong hem long Molek, man ya i mas ded.+ Ol man oli mas stonem hem i ded.

16 Long namba 17 yia blong rul blong Peka we i boe blong Remalia, Ahas+ we i boe blong King Jotam blong Juda i kam king.

3 Hem i wokbaot folem rod we ol king blong Isrel oli stap folem,+ mo tu hem i mekem prapa boe blong hem i pastru long faea,+ folem ol rabis fasin blong ol nesen+ we Jehova i bin ronemaot olgeta long fored blong ol man Isrel.

33 Manase+ i gat 12 yia taem hem i kam king, mo hem i rul 55 yia long Jerusalem.+

6 Mo tu, hem i mekem ol prapa boe blong hem oli pastru long faea+ long Vali Blong Boe Blong Hinom.+ Mo hem i mekem majik,+ i lukaotem ol samting we oli haed, mo i mekem wok blong kleva, mo hem i putumap ol man we oli stap toktok wetem ol dedman mo ol man we oli stap talemaot fiuja.+ Hem i mekem ol samting we oli nogud long ae blong Jehova we i bitim mak olgeta, blong mekem hem i kros.

31 Oli wokem ol hae ples long Tofet, long Vali Blong Boe Blong Hinom,*+ blong oli bonem ol boe mo ol gel blong olgeta long faea.+ Hemia wan samting we mi no bin talem long olgeta blong mekem, mo samting olsem i neva kam long hat blong mi.’*+

26 Mi mi letem olgeta oli kam doti from ol sakrefaes blong olgeta, hemia taem oli mekem evri fasbon pikinini blong olgeta oli pastru long faea.+ Mi mekem olsem blong spolem olgeta, nao bambae oli save se mi mi Jehova.”’